Keshe ıspandyqtar Dormýndtyń «Borýssııasynan» 3:1 esebimen basym tústi. Katolonııalyqtar sapynda Lýıs Alberto Sýares, Lıonel Messı jáne Antýan Grızmann mergendik tanytsa, nemister qatarynda Djeıdon Sancho nysanany dál kózdedi.
«Leıpsıg» pen «Benfıka» arasyndaǵy matchta alǵashqy eki dopty portýgalııalyqtar soqty. Bul goldardyń avtorlary – Pıssı men Karlýsh Vınısıýs. Biraq bul jaǵdaı nemisterdiń saǵyn syndyra alǵan joq. Kezdesýdiń 90 jáne 90+6 mınýttarynda Emıl Forsberg eki márte dopty torda týlatyp, tarazy basyn teńestirdi. Esep – 2:2.
Sóıtip, pleı-offta óner kórsetýge tıis 16 komandanyń teń jartysy anyqtaldy. «Barselona» men «Leıpsıgten» buryn Anglııanyń «Manchester Sıtı» men «Tottenhem», Ispanııanyń «Real», Fransııanyń PSJ, Italııanyń «Iýventýs» jáne Germanııanyń «Bavarııa» klýbtary dál sondaı múmkindikke ıe bolǵan edi.
