Merekelik keshti Elbasy Nursultan Ábishuly Nazarbaevtyń ómirbaıany men saıası eńbek jolyna keń kólemdi sholý jasaǵan aımaq basshysy Nurlan Noǵaev quttyqtaý sózimen ashty.
- Búgingi mereke - halqymyzdyń óziniń Kóshbasshysyna degen qurmeti men Elbasynyń eńbegine rızashylyǵynyń belgisi. Tuńǵysh Prezıdentimiz atap kórsetkendeı, qazaq halqynyń tarıhynda urpaqtary uıalatyndaı eshnárse joq. Tarıh tolqynynda myń ólip, myń tirilgen halyqtyń keıingi taǵdyry árkezde árqalaı bolǵanymen, táýelsizdik jyldaryndaǵy joly aıqyn bolyp kele jatyr. Qazaqstannyń táýelsizdik shejiresi Nursultan Ábishulynyń esimimen sabaqtasyp jatyr. Búginde úsh ondyqqa ıek artyp otyrǵan bizdiń memleketimizdiń jetistikteri - barsha qazaqstandyqtardyń qajyrly eńbeginiń jáne Elbasynyń kóregen saıasatynyń nátıjesi. Búgin barshamyz kýá bolyp otyrǵandaı, egemen elimiz jetistikterge qol jetkizgen qýatty, alyp memleketke aınaldy. Osyndaı ataýly kúni sizderge zor densaýlyq, mol tabys tileımin, - dedi Nurlan Noǵaev.
Sondaı-aq merekelik shara barysynda óńirdiń qoǵamdyq-ekonomıkalyq damýyna aıryqsha úlesin qosyp júrgen azamattar oblys ákiminiń Alǵys hatymen marapattaldy.
