7-synyp oqýshysy Darhan Ámirhanov: «Bizge zaýytqa jasalǵan ekskýrsııa óte qatty unady. Mundaı kásiporynǵa alǵash ret kelip turmyn. Sút ónimderiniń qalaı jasalatyny, olardyń ydystarǵa quıylyp, qaqpaǵy jabylǵanyna deıin túgel satyny kózben kórdik. Osyndaǵy qyzmetkerlerdiń eńbegi zor eken»,- dep tańdanysyn jasyrmady. Al, taǵy bir oqýshy Aqtoty Serik bolsa, ónimder quıylatyn ydystardyń jasalý joldaryn kórip, súısingen. Shynashaqtaı ǵana plasmasstan aıran quıatyn úlken bótelkeni ystyq aýamen úrlep shyǵarýǵa bolatynyn, syrtqy qaǵazdary jabystyrylyp, túptelgenine qyzyǵa qaraǵanyn jasyrmady.
-Stýdentter men oqýshylardy túrli kásiporyndarǵa aparyp, ekskýrsııa jasatý eń utymdy ádis. Aqtaýda «Kásipkerlik negizderi» páninalǵash ret pılottyq jobada oqyǵan IT lıseı tájirıbesi respýblıka boıynsha barlyq mektepterge engizilgen bolatyn. Sondaı aldyńǵy qatarly mektep oqýshylarynda iskerlik irgetasy qalandy dep sanaımyz. Ekinshi jaǵynan kásipkerlik ádisterin túsindi. Bul sabaqta otyryp teorııalyq turǵyda tanysqannan góri tájirıbe júzinde kórý tıimdi ekenin ańǵartady, deıdi О́ńirlik kásipkerler palatasynyń adamı kapıtaldy damytý bóliminiń qyzmetkeri Rýslan Bısekenov.
Kásiporynda oqýshylarǵa zaýyttyń barlyq ónimderiniń daıyndalý joldary kórsetildi. Qazir munda 15 túrli sút ónimi shyǵarylady. Aptasyna 10 t ónim túrli saýda ortalyqtary men mekemelerge tasymaldanyp otyr.
«Aq nek» sút zaýyty dırektorynyń orynbasary Madına Abdýgalıevanyń aıtýynsha, 2006 jyly iske qosylǵan sút zaýytynyń ónimderi sapasy joǵary Belarýs shıkizattarynan daıyndalady. Qazaqstan boıynsha eshbir kásiporyn qoldanyp kórmegen biregeı tabıǵı ashytqyny tutynýy- negizgi erekshelik.
