Osy oraıda, Almaty oblysynda qalypty nan baǵasynyń ósýine jol bermeý maqsatynda «Jetisý» áleýmettik-kásipkerlik korporasııasy Turaqtandyrý qorynyń qarajaty esebinen 6 myń tonna kóleminde birinshi surypty bıdaı unyn satyp aldy. Búginde «Jetisý» áleýmettik-kásipkerlik korporasııasy, aýdan ákimdikteri jánenaýbaıhanalar arasynda un jetkizý jóninde agenttik kelisim jasalǵan.
Al naýbaıhanalarǵa arzan baǵamen jóneltiletin un jergilikti «AzııaAgroFýd» kásipornynan satyp alynýda. Zaýyt Almaty oblysynda qalypty nan baǵasyn turaqtandyrýǵa baǵyttalǵan is-sharalarǵa únemi qatysyp keledi.
- Búginge deıin Almaty oblysynyń aýdandarynyń basym bóligine 500 tonnadan astam tonna un jiberdik. Aldaǵy ýaqytta barlyq naýbaıhanalar joǵary sapaly unmen turaqty túrde qamtamasyz etiledi. Qazir Shamalǵan stansasynan Taldyqorǵan qalasyna, Alakól jáne Qaratal aýdandaryna 4 vagon un jóneltilýde, - deıdi «AzııaAgroFýd» AQ basqarma tóraǵasy Saıan Áshenov.
О́z kezeginde «Jetisý» áleýmettik-kásipkerlik korporasııasy un shyǵarýshy kásiporynnan ónimniń kılogrammyn 130 teńgeden satyp alýda. Al naýbaıhanalar úshin un baǵasy 90 teńgeden belgilendi. Osylaısha, memleket naýbaıhanlar jumsaǵan unnyń árbir kılogramm úshin 40 teńgedensýbsıdııa bólip otyr.
- Bundaı baǵa naýbaıhanalardyń qalypty nannyń ózindik qunyn 80-85 teńgeden asyrmaýǵa múmkindik beredi. Unǵa degen suranys óte joǵary.Bul baǵanyń tómendigimen ǵana emes, sapasymen de baılanysty. Qazirgi ýaqytta korporasııa, aýdan ákimdikteri men naýbaıhanalar arasynda un jetkizý týraly 38 kelisim jasaldy, - deıdi «Jetisý» áleýmettik-kásipkerlik korporasııasy memlekettik baǵdarlamalardy júzege asyrý jónindegi departamenttiń dırektory Bahtııar Sembekov.
