Keshe Premer-Mınıstr Serik Ahmetovtiń tóraǵalyǵymen Qarjy mınıstrliginde Salyq jáne Keden komıtetteriniń keńeıtilgen alqa májilisi bolyp ótti.
Alqaly jıynǵa Prezıdent Ákimshiliginiń, Premer-Mınıstr Keńsesiniń ókilderi, ortalyq atqarýshy jáne quqyq qorǵaý organdarynyń basshylary, qoǵamdyq birlestikter men qaýymdastyqtardyń ókilderi, Salyq jáne Keden komıtetteri aýmaqtyq bólimsheleriniń basshylary qatysty. Májilisti Qarjy mınıstri Bolat Jámishev júrgizip otyrdy.
Mınıstr atalǵan qos komıtettiń jumysy el ekonomıkasy úshin asa mańyzdy ekendigin aıta kelip, alǵashqy sóz kezegin Salyq komıtetiniń tóraǵasy Ánýar Jumadildaevqa usyndy. Komıtet tóraǵasynyń málimetinshe, salyq organdarynyń quzyretindegi salyq túsimderi aǵymdaǵy jyldyń birinshi jartyjyldyǵynda 151,8 mlrd. teńgeni qurady. Respýblıkalyq bıýdjet boıynsha – 83,7 mlrd. teńge, jergilikti bıýdjetter boıynsha 68,0 mlrd. teńgeni qurady.
«Qazaqstan-2050» Strategııasynda aıtylǵan Memleket basshysynyń salyqtyq ákimshilendirýdi yryqtandyrý jónindegi tapsyrmasyn iske asyrý sheńberinde salyq organdary bıznes-prosesterdi qaıta ınjınırıngteýdi júrgizýde, dep atap ótti Á.Jumadildaev.
Atalǵan is-sharalardyń negizgi baǵyttarynyń biri salyqtyq tekserýlerdi ortalyqtandyrý bolyp tabylady. Búginde, salyq komıteti aýdandyq salyq basqarmalarynda tekserý fýnksııalaryn alyp tastaý jolymen eki oblysta pılottyq aýdıtti ortalyqtandyrý jónindegi jumysty bastapty. Halyqaralyq sarapshylardyń málimetinshe, bul táýekelder basqarý júıesin tıimdi paıdalanýǵa jáne sybaılas jemqorlyqty barynsha azaıtýǵa múmkindik beredi. Salyq aýdıtin ortalyqtandyrý jónindegi atalǵan tájirıbe oń nátıjesin kórsetse, ol eldiń búkil aýmaǵynda engiziletin bolady.
Á.Jumadildaev sondaı-aq jalǵan kásipkerlikpen kúres jónindegi problemalyq máseleler jaıynda da sóz qozǵady.
Búgingi tańda sottar Qazaqstandaǵy 1200 salyq tóleýshini jalǵan kásipkerler dep tanydy. Kontragenttermen ózara esep aıyrysý somasy 1 trln. 52 mln. teńge boldy. О́tkizilgen jumys nátıjesinde tólemge eseptelgen qosymsha qun salyǵy 107 mlrd.-tan astam teńgeni qurady, dedi Á.Jumadildaev.
Komıtet basshysy jaýapsyz salyq tóleýshiler syzbasy ylǵı da jetildirilip otyratynyn aıta kele, Úkimet basshysyna aldaǵy ýaqytta barlyq memlekettik qyzmetkerler kirister men múlik boıynsha jyl saıynǵy maǵlumdamany elektrondy túrde tapsyrsa degen usynysyn jetkizdi. Premer-Mınıstr atalǵan bastamany qoldap, tıisti tapsyrmalar berdi. «Men qarsy emespin, muny qandaı normatıvtik-quqyqtyq akti boıynsha júrgizýdi zertteýdi tapsyramyn. Mınıstrdiń buıryǵy jetkilikti bolsa, muny buıryq retinde qabyldańyzdar», dep tapsyrdy S.Ahmetov.
Alqa májilisiniń kelesi baıandamasyn Kedendik baqylaý komıtetiniń tóraǵasy M.Esenbaev jasady. Ol 2013 jyldyń birinshi jartyjyldyǵyndaǵy jumys nátıjeleri boıynsha kedendik tólemder men salyqtardyń túsimi boıynsha boljamdy jospardyń oryndalýy 102,8 paıyzdy quraǵanyn atap ótti. Respýblıkalyq bıýdjetke 603,5 mlrd. teńge somasynda kedendik tólemder men salyqtar tústi. Bıýdjetke aýdarylǵan soma ótken jylǵy osy kezeńmen salystyrǵanda 77,2 mlrd. teńgege, ıaǵnı 14,2 paıyzǵa kóp.
Alý koeffısıenti paıyzdyq qatynasta ósti, ıaǵnı ımport kóleminde kedendik tólemder men salyqtardyń úlesi ótken jylǵy uqsas kezeńdegi 7,9 paıyzdan aǵymdaǵy jylǵy 9,3 paıyzǵa deıin 1,4 paıyzdyq tarmaqqa artty, bul kedendik ákimshilendirýdi jaqsartýdyń tikeleı nátıjesi bolyp tabylady, dedi M.Esenbaev.
Baıandama qorytyndylary boıynsha Qarjy mınıstri B.Jámishev sóz sóılep, keden men salyq salasynda júzege asyp jatqan oń baǵyttaǵy úderister el ekonomıkasynyń turaqty ósimine ıgi áserin tıgizetinine senimin bildirdi.
Alqaly jıyndy túıindegen Úkimet basshysy S.Ahmetov kedendik jáne salyqtyq ákimgershilikti yryqtandyrýǵa Elbasynyń «Qazaqstan-2050» Strategııasynda aıryqsha basymdyq berilgendigin atap ótti. «Bul degenimiz, damýshy bızneske múmkindiginshe qolaıly salyqtyq jaǵdaılar jasap, salyqtyq esep-qısap júrgizýdi barynsha yqshamdap, jeńildetý bolyp tabylady. Búginde atqarylǵan jumystar alǵashqy nátıjesin berdi dese bolady, ıaǵnı, esep-qısap formasy 30 paıyzǵa deıin qysqardy, biraq birqatar túıtkildi máseleler túıini áli de tarqamaı otyr, deı kele S.Ahmetov ol máseleler qatarynda jalǵan kásipkerlik, qosymsha qun salyǵyn ákimshilendirý, kásiporyndardyń jalǵan bankrottyǵy syndy problemalar bar ekendigin atap ótti. Sal
