Oblysta sporttyń jańa túrlerin damytýǵa arnalǵan saıysqa qyzyǵýshylar sany kóp bolǵan. Jarys qorytyndysy boıynsha jalpykomandalyq esepte birinshi oryndy Munaıly aýdanynyń «Dosan batyr» sportzalynyń ókilderi, ekinshi oryndy Aqtaý qalasynyń «Paýerlıftıng» komandasy, úshinshi oryndy Jańaózen qalasynyń sportsmenderi ıelendi. Olardyń arasynda Aqtaý, Jańaózen, Beıneý, Túpqaraǵan aýdandarynan kelgen erler men áıelder bar.
75 kelige deıingi salmaq dárejesinde «qola» júldeni Mańǵystaý oblysy PD Jyldam qımyldaıtyn arnaıy jasaq komandıriniń orynbasary Qýandyq Orynbaev aldy. 125 keli salmaqta úshinshi oryndy Mańǵystaý oblysy PD JQAJ ınspektory Aleksandr Rıdnıak ıelendi. 82 kelige deıingi salmaq sanatynda DP JQAJ ınspektory Berik Aralbaev «kúmis» medalmen marapattaldy. 110 keli sanatynda Aqtaý qalasy Polısııa basqarmasy Jergilikti polısııa qyzmeti ýchaskelik ınspektory Vladımır Kachanenko erekshe kózge túsken, ol 110 kelige deıin shtanga kóterip jáne 70 keli bısepske shtanga kóterip eki sanattyń 1-oryndaryn qatar aldy.
Aıta keteıik, Qýandyq Orynbaev - 2017-2018 jyldary sambodan oblys chempıony, sambodan Qazaqstan chempıonatynyń 2017 jylǵy júldegeri, 2017 jylǵy qoıan-qoltyq kúresiniń oblys chempıony.
