Qazaqtyń salt-dástúrlerin, ulttyq qundylyqtaryn nasıhattaý, etnos jastaryn qazaq elin, jerin qurmetteýge, otanshyldyqqa, batyrlyqqa, shynshyldyqqa tárbıeleý maqsatyndaǵy baıqaýǵa etnos jastary qatysty.
Baıqaýǵa ónerli, boıynda aqyndyq qasıetteri bar talantty 8 jigit qatysty. Olardyń biri qazaq hany Abylaı hannyń batyrlyǵyn beınelese, biri uly aqyn Abaıdyń óleńderin, qara sózderin jatqa mánerlep oqydy. Baıqaý barynsha tartymdy da, tartysty ótti.
Mundaı sharalardy etnos jastary arasynda kóptep ótkizýdiń tárbıelik máni zor. Baıqaý jastardy jigerlilik pen ustamdylyqqa, tapqyrlyq pen aqyldylyqqa, izgilik pen parasattylyqqa tárbıeleıdi.
Baıqaý qorytyndysy boıynsha III oryndy qaraqalpaq ultynyń uly Arzıev Bekbolat, II oryndy ázirbaıjan oǵylany Alyev Raýl, I oryndy tatar ultynyń ókili Erjan Almır ıelendi. Jeńimpazlarǵa arnaıy dıplomdar men aqshalaı syılyqtar tabystaldy.
Is-shara ary qaraı óńirlik Assambleıa shyǵarmashylyq toptarynyń konserttik baǵdarlamasymen jalǵasty.
