Atyraý oblysynyń 144 turǵyny «Nurly jer» baǵdarlamasy aıasynda baspanaly boldy. «Bereke» yqsham aýdanyndaǵy jańa páterler kiltin Atyraý qalasy ákiminiń orynbasary Rınat Jańǵylyshov pen «Turǵynúıjınaqbanki» AQ basqarma tóraǵasynyń orynbasary Nurlan Aqshanov tabystady.
- Qazirgi tańda Atyraý qalasynda turǵyn úı qurylysynyń qarqyny jedel. Jyl basynan beri «Nurly jer» baǵdarlamasy boıynsha 256 páter berilgen edi. Búgin taǵy 144 páter kiltin tabys ettik. Osylaısha, bıyl 400 atyraýlyq jańa baspanaǵa ıe boldy, - dedi Rınat Jańǵylyshov.
«Nurly jer» baǵdarlamasy aıasynda baspana konkýrstyq negizde, 50/50 qaǵıdaty boıynsha bólinetinin atap ótý kerek. Iаǵnı, páterlerdiń 50%-dan kem emes bóligi turǵyn úı kezeginde turǵan atyraýlyqtarǵa berilse, qalǵan 50%-y eshqandaı kezekte joq bank salymshylary arasynda úlestiriledi.
- Búginde Atyraý oblysynyń 68 myńdaı turǵyny «Turǵynúıjınaqbankiniń» esep-shottarynda qarajat jınaýda. Bıyl 14 myńǵa jýyq atyraýlyqpen kelisim shart jasalyp, banktiń oblystyq fılıaly jalpy sommasy 11,6 mlrd teńge bolatyn 1047 nesıe berdi, - dedi «Qazaqstannyń Turǵynúıjınaqbanki» AQ basqarma tóraǵasynyń orynbasary Nurlan Aqshanov.
«Nurly jer» baǵdarlamasyna qatysý úshin Turǵynúıjınaqbankinde salymshy bolýy, jáne esep-shotyna baspana qunynyń 20%-yn jınaýy kerek. Baǵdarlamanyń basty basymdyǵy – baǵasy, baspananyń bir sharshy metri 180 000 myń teńge. Bul naryq baǵamynan eki esege deıin tómen.
