Negizgi maqsat- 133 memlekettik qyzmetti alýǵa naryqtyń daıyndyǵy qandaı ekenine taldaý júrgizý. Ony anyqtaý úshin Ulttyq ekonomıka mınıstriniń 2019 jylǵy 29 shildedegi №70 «Memlekettik fýnksııalardy básekeles ortaǵa berýdiń keıbir máseleleri týraly» buıryǵymen bekitilgen Qaǵıdalarǵa sáıkes konsýltatıvtik-keńesshi organy qurylýy tıis.
Memlekettik qyzmet ister jáne sybaılas jemqorlyqqa qarsy is-qımyl agentiginiń Mańǵystaý oblysy boıynsha departamentiniń basshysy Nurgúl Jannazarova: «Bul másele óńirlerde keńinen talqylanyp jatyr. Memlekettik qyzmetterdiń quziretterine qarasty olqylyqtar bolyp jatsa, quqyqtyq normatıvtik aktilerge baılanysty zańǵa tompaq keletin jaǵdaılarda keńes berýge, birlesip usynystar jasaýǵa daıynbyz. Bolashaqta árbir tutynýshy tarapynan qyzmetterdi alý kezinde narazylyq bolmaýy kerek» dedi.
Qazirgi ýaqytta usynylyp otyrǵan 133 memlekettik qyzmettiń barlyǵyn bıznes qabyldaýǵa daıyn emes. Olardyń ishinde baqylaý jáne qadaǵalaý fýnksııalaryn mindetti túrde memlekettiń ózi atqarýy kerek, al keıbir qyzmetter bıznes úshin asa tıimdi emes degen uıǵarymǵa keldi jıynǵa qatysýshylar.
-Bıznes atalǵan 133 memlekettik qyzmetterdiń tıimdisin ǵana alyp, básekeles ortaǵa berýdi usynamyn. Bıznes ókilderine bul fýnksııalardy qaldyrǵannan ne utamyz? Kásipkerler qabyldaýǵa daıyn fýnksııalardy bólip alyp, ekshep, saralaýymyz kerek, dedi О́KP dırektory Nurbek Qarasaev.
Shara sońynda 133 fýnksııany júzege asyratyn memlekettik organdardyń ókilderinen jáne bıznes-qaýymdastyqtan turatyn jumys toby qurylatyn bolyp sheshildi.
Eske salaıyq, aǵymdaǵy jyldyń16 qarashasynda Premer-Mınıstrdiń birinshi orynbasary – Qarjy mınıstri Alıhan Smaılovtyń tóraǵalyq etýimen Ortalyq jáne jergilikti atqarýshy organdardyń fýnksııalaryn básekelestik ortaǵa berý jónindegi komıssııa otyrysy ótkizilip, onyń qorytyndysy boıynsha memlekettik organdarǵa 133 memlekettik fýnksııalardy alýǵa naryqtyń daıyndyǵyna taldaý júrgizýdi jáne tıisti aqparatty Ulttyq ekonomıka mınıstrligine joldaý tapsyrylǵan edi. Ulttyq ekonomıka mınsıtrligi «Atameken» UKP-men birlesip, úkimettik emes uıymdar men assosııalardyń, bıznestiń naryqta jańa qyzmetterge qol jetkizýine múmkindik beretin keıbir memlekettik fýnksııalardy alýǵa naryqtyń daıyndyq deńgeıin anyqtaý boıynsha jumystar júrgizilýde.
