Aımaqtar • 10 Jeltoqsan, 2019

Túrkistan: Tapsyrmany oryndamaǵandar qyzmetimen qoshtasady

347 ret kórsetildi

Halqynyń sany 2 mıllıonnan asatyn Túrkistan oblysynda 86,6 myń kóp balaly otbasy bar. Ataýly áleýmettik kómek kórsetý barysynda belgilengen nysanaly ındıkatorynyń biri – kúnkóris deńgeıinen tómen turatyn halyqtyń úlesi 16,5% bolyp belgilengen. Bıyl oblys boıynsha AÁK kórsetý maqsatynda jalpy 70,8 mlrd.teńge bólingen, onyń ishinde respýblıkalyq bıýdjettiń úlesi -  65,7 mlrd teńge. Ataýly áleýmettik kómek 100 myńnan astam otbasyndaǵy 632,8 myń adamǵa taǵaıyndalǵan. Bul ótken jylmen salystyrǵanda úsh ese kóp.

Oblys ákimi О́mirzaq Shókeevtiń tóraǵalyǵymen ótken apparat májilisinde oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva osyndaı derekterdi keltirdi. Ataýly áleýmettik kómek kórsetýdegi sońǵy málimetter men oryn alǵan kemshilikter talqylanǵan jıynda qaıta esepteýlerdiń ýaqtyly júrgizilmeýi, qujattardyń der kezinde óńdelmeýi, bıýdjet qarjylarynyń durys josparlanbaýy jáne aldyn-ala bir jyldyq AÁK tólenýi olqylyqtarǵa sebep bolǵany aıtyldy.

Osyǵan baılanysty, aýdan, qala ákimderi jyldyń sońyna deıin qarjynyń maqsatty jáne zań sheńberinde tólenýin jete baqylaýǵa alyp, AÁK alýshylardy jumyspen qamtýdyń belsendi sharalaryna tartýy qajet. Ataýly áleýmettik kómekti kórsetý – halyq arasynda udaıy talqylanyp, synǵa ilikken másele bolǵanyn aıtqan oblys ákimi tapsyrmany osy joly oryndaýdan taıqyǵandar qyzmetimen qoshtasatynyn qatań eskertti. «Bul óte mańyzdy másele. Júıeliligi joq jumystyń shıkiligi shyǵady. Oǵan jol bergen jaýaptylardyń kinásin naqty faktimen dáleldep, jazalaıtyn bolamyz. Qazir tyń ıdeıasy men aqyly bar mamandardy ańdyǵan zaman. Zamanaýı tehnologııany ıgergen, ıdeıaly tulǵalardy jumysqa tartyńdar», dedi aımaq basshysy jınalys barysynda.

Basqarma basshylyǵy áleýmettik shıelenisterge jol bergen, mindetti sharalardy júrgizbegen jumyspen qamtý ortalyqtary basshylarynyń qyzmetten bosatylýyn, tıisti jaýapty mamandardyń oryndaýshylyq tártibin qaraýdy usyndy. Aýyl ákimderiniń, jumyspen qamtý ortalyqtary men bólimderi mamandarynyń biliktiligin anyqtaý maqsatynda jeltoqsan-qańtar aılarynda testileý jumystary júrgizilmek.

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar