Han Man Chýn myrzany oblystyq QHA-nyń hatshylyq meńgerýshisi Ismýrzına Gúljan Maqsutqyzy men «Choson» koreı etnomádenı birlestiginiń tóraıymy Madenova Raısa Ivanovna qarsy aldy. Qonaqtar Dostyq úıine kire beriste uıymdastyrylǵan aq dastarhannan qazaqtyń ulttyq taǵamdaryn aýyz tıip, barlyǵyna alǵystaryn bildirdi. Han Man Chýn myrza Dostyq úıiniń turmys-tirshiligimen tanysty.
Sonymen qatar kezdesý barysynda dóńgelek ústelge jaıǵasqan qatysýshylar Qazaqstan-koreı qarym-qatynastarynyń jaı-kúıi men perspektıvalaryn talqylady.
-Men Sizdermen kezdeskenime qýanyshtymyn. Sizderge alǵysym sheksiz. Jumystaryńyzǵa sáttilik tileımin. Koreı elshiligi men Qazaqstan Respýblıkasy arasyndaǵy ózara dostyqqa negizdelgen baılanystar odan ári nyǵaıa túsedi degen senimim zor, dedi mınıstr-keńesshi myrza.
Kezdesý sońynda koreı etnomádenı birlestiginiń ókilderi mınıstr-keńesshi Han Man Chýn myrzamen estelik fotoǵa tústi.
