Shara «Memleket basshysynyń 2019 jylǵy 2 qyrkúıektegi «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty Qazaqstan halqyna Joldaýy, Qazaqstan Respýblıkasynyń Ishki ister organyn jańǵyrtý jónindegi 2019-2021 jyldarǵa arnalǵan Jol kartasyn iske asyrý sheńberinde qazaqstandyq polısııasy qyzmetkerleriniń jańa kelbetin qalyptastyrý, polısııa men qoǵamnyń ózara is-qımyl jasaýy, patrıotızmdi nasıhattaý maqsatynda ótkizilýde. Atalmysh top budan buryn Qaraqııa aýdany men Jańaózen qalasynda bolyp qaıtty.
Departament bastyǵynyń birinshi orynbasary polısııa polkovnıgi A.Halmuradov aýdandyq polısııa bóliminde azamattardy qabyldaýdan bastady. Aýdan turǵyndarynyń qoıǵan saýaldary men máseleleri boıynsha A.Halmuradov Túpqaraǵan aýdany Polısııa bólimi basshysyna tıisti tapsyrmalaryn berdi. Qabyldaýǵa zeınetker muǵalim, turǵyn Qoıshybaev Bolat bólim basshysyna mal urlyǵy ashylǵany úshin alǵysyn bildirdi.
Sondaı-aq aýdan ardagerlerimen kezdesý ótti. Aýdandyq mádenıet úıinde halyq aldynda Amangeldi Haırmuhammeduly Túpqaraǵan aýdanynda 11 aı ishinde atqarylǵan jumystar týraly baıandady. Baıandamadan soń Mańǵystaý oblysy Polısııa departamentiniń bastyǵy polısııa polkovnıgi Q.Taımerdenovtiń marapattaý buıryǵymen Túpqaraǵan aýdany maslıhatynyń hatshysy A.Dosanova, «Teńiz Servıs» JShS Baýtıno fılıalynyń basshysy R.Rysmýhambetov, 2201B áskerı bóliminiń komandıri podpolkovnık F.Meırmanov, jas maman polısııa leıtenanty D.Sarınovtyń ákesi R.Sarınov marapattaldy.
Aýdan ákiminiń orynbasary Talǵat Altynǵalıev sóz sóılep, Túpqaraǵan aýdany Polısııa bóliminiń qyzmetkerlerin, atap aıtqanda, R.Karesov, A.О́tegenov, Q.Qosarbaı syndy polıseılerdi qala kóleminde quqyq tártibin qamtamasyz etýge jáne polısııa ımıdjin arttyrýǵa qosqan úlesi úshin Alǵys hatpen marapattady.
Qyzmet babynda qaza tapqan qyzmetker marqum Qoshaqbaev Abaı Qulamergenulynyń otbasyna jáne IIO ardageri Keneev Eskendir Ǵızatulynyń úıine baryp, turmystyq jaǵdaılarymen tanysty.
