Elimizdiń erteńi – birligimen eńseli

Is-sharaǵa Qazaqstan halqy As­sam­bleıasy Tóraǵasynyń oryn­­basary – Hatshylyq meń­gerý­shisi Janseıit Túımebaev, Pre­­zıdent janyndaǵy Mem­le­ket­­tik basqarý akademııa­sy­nyń rek­tory Erlan Ábil, Pre­zı­­dent janyndaǵy Qazaq­stan stra­tegııalyq zertteýler ıns­tıtý­tynyń dırektory Zarema Sháý­kenova, QHA músheleri, Ǵy­ly­mı-sarapshylyq keńesi men et­no­mádenı birlestikterdiń ókil­deri, QHA aımaqtyq ǵy­ly­mı-sarap­shylyq toptary men kafedralary, qoǵam qaı­rat­kerleri men zııaly qaýym ókil­deri qatysty.

– Bıyl elimizde mańyzdy qoǵamdyq-saıası oqıǵalar men prosester boldy. Naýryz aıynda Elbasy óziniń Prezıdent ókilettigin toqtatyp, maýsym aıynda kezekten tys pre­zı­denttik saılaý ótti, jańa Pre­zıdent saılandy. Qyr­kúıek aıynda Prezıdent Qasym-Jomart Toqaevtyń Joldaýynda bir­qatar jańa mindetter aı­qyn­daldy. Assambleıa jáne Ǵylymı-sarapshylyq keńes osy prosesterdi halyqqa túsin­dirý boıynsha belsendi jumys júrgizýde, – dedi J.Túımebaev.

Otyrys barysynda Assam­­bleıa­nyń ǵylymı-sa­rap­shy­lyq baǵyty boıynsha tap­­syr­malardyń oryndalý bary­sy, Ortalyq Azııa­daǵy etnos­aralyq jáne kon­fessııaaralyq qatynas­tardy zert­teý ortalyǵynyń ju­mys nátıjesi, sondaı-aq «Qa­zaq­­­stan­daǵy etnostar: el damýyna qosqan úlesi» jobasynyń jú­ze­­ge asýy jáne jalpy zert­telýi boıynsha jumys jos­pary­nyń oryndalý barysy talqylandy.

– Jyl kóleminde túrli zertteýler júrgizilip, joǵary oqý oryndarynda, halyqaralyq sarapshylyq ortada aýqymdy jumys atqarylǵan edi. Búgin­gi otyrys Qazaqstan halqy As­sambleıasy Ǵylymı-sa­rap­shylyq keńesiniń 2019 jy­ly atqarǵan jumystaryn qo­ry­tyndylaýǵa baǵyttaldy. Oǵan Qazaqstan aımaqtarynan elýden astam sarapshy men ǵalym qatysyp otyr, – dedi Qa­zaqstan halqy Assambleıasy Ǵylymı-sarapshylyq keńesiniń tóraǵasy Aıgúl Sádýaqasova.

Is-shara sońynda qoǵamdyq kelisim men jalpyulttyq bir­liktiń modeline arnalǵan úzdik ǵylymı joba saıysynyń je­ńim­pazdary marapattaldy.