Tarıh ólshemimen qaraǵanda qas-qaǵymdyq sát bolyp kórinetin az ǵana jylda qazaq halqy ǵasyrlarǵa bergisiz joldy júrip ótti. О́z astanasyn tuńǵysh ret ózi anyqtaǵan jas memleket ony sáýletti de sándi shaharǵa aınaldyrdy. Búginde álemdik qoǵamdastyq úshin Qazaqstan men Astana ataýlary egiz uǵym bolyp otyr. Bul uǵym qaryshtap damý men óristi órkendeýdiń ónegeli úlgisi retinde ornyqty.
Osydan týra 19 jyl buryn, 1994 jyldyń 6 shildesinde Qazaqstan Respýblıkasy Joǵarǵy Keńesiniń el astanasyn Almatydan Aqmolaǵa kóshirý týraly qabyldaǵan qaýlysy shyn máninde tarıhı da taǵdyrly sheshim boldy. Bul sheshim táýelsizdiktiń alǵashqy jemisteri ǵana emes, jas memleketimizdiń tuńǵysh jeńisteriniń de biri edi. Saryarqa tósinen boı kótergen Astana búginde elimizdiń maqtanyshyna, dalamyzdyń kórkine aınaldy.
Biz elimizdiń astanasyn Almatydan Aqmolaǵa aýystyrdyq, elordany Alataý baýyrynan Arqa tósine kóshirdik dep aıta salý azdyq etedi. Shyn máninde, biz elimizdiń jańa astanasyn salýǵa kiristik. Sol arqyly is júzinde jańa memleket qurýǵa kiristik. Halqymyz jańa da jas memleketiniń astanasyn óziniń qalaǵan jerine, óziniń qalaýy boıynsha ornatty. Eń bastysy – óziniń kindik qalasynyń qurylysyna bilek sybanyp, bar kúsh-qaıratyn, ynta-jigerin saldy. Ár kóshege, ár úıge júrek meıirin, perzenttik súıispenshiligin, jan jylýyn jumsady. Astana osylaısha halqymyzdyń aıaly alaqany, ystyq meıirimimen turǵyzyldy. Sondyqtan da bul qala bárimizge erekshe qymbat, aıryqsha aıaýly.
Táýelsizdiktiń negizgi máni tarıhtyń jańa betin óz erkińmen, óz sheshimińmen bastaýda bolsa kerek. Táýelsizdik bizge jańa jolymyzdy, ózimizdiń sony soqpaǵymyzdy tabýǵa zor múmkindik usyndy. Sol jańa jolymyzdy biz Astana arqyly taptyq. Qazirgi kezde Astana bizdiń keleshegimizge qatysty mańyzdy sheshimder qabyldaıtyn memleketimizdiń saıası ortalyǵy ǵana emes, ulttyq rýhymyzdy uıytyp otyrǵan rýhanı ordamyzǵa da aınaldy.
Astananyń arqasynda biz eldiń ıesi, jerdiń kıesi kim ekenin álemge aıqyn tanyttyq. Barsha qazaqstandyqtardy ortaq múdde jolyna barynsha uıystyryp, ulttar men ulystardy jumǵan judyryqtaı jumyldyra bildik. Astananyń arqasynda qazaq burynǵydan da bekem birige tústi. Eldiń eńsesi tikteldi, rýhy kóterildi. Elbasymyzdyń Joldaýynda atap kórsetilgenindeı, «Eldiń damýdyń «jasyl» jolyna kóshýine Astanadaǵy alda turǵan EKSPO-2017 qýatty serpilis berýi tıis. Astanada ǵylym men tehnıkanyń úzdik álemdik jetistikteri usynylatyn bolady. Kóptegen qazaqstandyqtar biz qol sozyp otyrǵan «bolashaqtyń energııasyn» óz kózimen kóre alady» degen sózi Astana mereıin odan ári asqaqtata túsýde. Astana elimizdegi tatýlyq pen kelisimniń uıytqysy retinde keleshekte de ózge jurtqa úlgi-ónege bola beretini anyq.
Amanǵalı AIMURZAEV,
Sozaq aýdanynyń ákimi.
Ońtústik Qazaqstan oblysy.
