Oıpyr-aı!
Aqmola oblysynyń Stepnogor qalasynda birneshe ıt 56 jastaǵy er azamatty talap óltirdi. Budan biraz buryn buqaralyq aqparat quraly betinde 3 jasar sábıdi ıt tistep, qanyna qaýipti kesel taraǵany jazylǵan bolatyn. Artynan sol balanyń murny shirigeni málim boldy. Endi mine, el tynyshta ıtter atpaldaı azamattyń denesin shaınap, jer betin qanǵa bóktirip otyr.
Oblystyq ishki ister departamentiniń qyzmetkerleri joǵaryda atalǵan oqys oqıǵa ıt satýmen shuǵyldanatyn áıeldiń úıiniń aldynda oryn alǵanyn aıtady. Ne desek te, bul – kisi shoshyrlyq kórinis. Tabys tabý jolyn kózdep, ıtterin saýdalap júrgen azamatshaǵa aqsha qymbat bolǵanymen, bir otbasy asyraýshysynan aıyryldy. Osynyń ózinen ıt ustaýdaǵy qazaqy beıqamdyǵymyzdy ańǵarýǵa bolady.
Qazir osy oqıǵaǵa baılanysty tergeý amaldary bastalyp ketti.
Baqytbek KENEShULY.
