Qýatty ásker, qaýqarly áskerı tehnıka kerek-aq, biraq eń basty qajettilik – dostyq, yntymaq. Ásirese, baýyryna barshany syıǵyza sozylǵan tutas qara jerdi «shekara» dep baǵanmen bólip alyp kórshi otyrǵan elder arasyndaǵy tatýlyq-bereke men baqyt bastaýy. Kórshisi úshin «qazan alsa úlkenin, etik alsa ekeýin alý» qajet dep uǵynatyn, ony alystaǵy aǵaıynnan artyq dep baǵalaıtyn halqymyz shekaralas eldermen aqjarqyn peıilde aralas-quralas bolýǵa qashanda daıyn. Jýyrda Aqtaý qalasynda Qytaı Halyq Respýblıkasy Ortalyq áskerı keńesi tóraǵasynyń orynbasary, Qytaı Kommýnıstik partııasy Ortalyq komıteti Saıası bıýrosynyń múshesi, áskerı laýazym dárejesi boıynsha QHR-da ekinshi adam bolyp sanalatyn general-polkovnık Fan Chanlýn resmı saparmen boldy.
Qýatty ásker, qaýqarly áskerı tehnıka kerek-aq, biraq eń basty qajettilik – dostyq, yntymaq. Ásirese, baýyryna barshany syıǵyza sozylǵan tutas qara jerdi «shekara» dep baǵanmen bólip alyp kórshi otyrǵan elder arasyndaǵy tatýlyq-bereke men baqyt bastaýy. Kórshisi úshin «qazan alsa úlkenin, etik alsa ekeýin alý» qajet dep uǵynatyn, ony alystaǵy aǵaıynnan artyq dep baǵalaıtyn halqymyz shekaralas eldermen aqjarqyn peıilde aralas-quralas bolýǵa qashanda daıyn. Jýyrda Aqtaý qalasynda Qytaı Halyq Respýblıkasy Ortalyq áskerı keńesi tóraǵasynyń orynbasary, Qytaı Kommýnıstik partııasy Ortalyq komıteti Saıası bıýrosynyń múshesi, áskerı laýazym dárejesi boıynsha QHR-da ekinshi adam bolyp sanalatyn general-polkovnık Fan Chanlýn resmı saparmen boldy.
Táýelsiz elimizdiń áskerı qýattylyǵyn arttyrý, qurylyqtaǵy shekaramen birge teńiz bettegi shekarany kúzetý, sol arqyly eldiń tynyshtyǵy men ekologııasyn, teńiz baılyqtaryn qorǵaý egemendikti alǵan soń-aq jedel qolǵa alynǵan isterdiń biri bolatyn. Naqtyraq aıtsaq, Elbasy N.Nazarbaev 1993 jyldyń 2 sáýirinde «Qazaqstan Respýblıkasynyń Áskerı-teńiz kúshterin qurý týraly» Jarlyqqa qol qoıdy.1996 jyldyń 17 tamyzynda Áskerı-teńiz kúshteri quryldy. 2010 jyldyń 19 tamyzynda jasaqtalyp, qazirgi quramda Mańǵystaý oblysynyń Aqtaý qalasyna qonystanǵan Áskerı-teńiz kúshteriniń áskerı-teńiz bazasy búginde jedel-taktıkalyq aýmaqtyq birlestik bolyp sanalady. Oǵan basqarma, óz aldyna derbes nemese ózge de áskerı bólimdermen birlese áreket etýge baǵyttalǵan sý ústinde júretin kemeler quramasy (zymyrandyq-artıllerııalyq, shaǵyn kúzet jáne ózge de qyzmet túrlerin kórsetetin kemeler), gıdrografıkalyq qamtamasyz etý, basqa da birneshe bólimsheler jatady.
Qytaılyq qonaqtarǵa Áskerı-teńiz kúshteriniń maqsat-mindeti jaıynda baıan etken QR QK Áskerı-teńiz kúshteri áskerı-teńiz bazasy komandıri, Aqtaý garnızony bastyǵy Sáken Bekjanov áskerı áleýetti arttyrý baǵytynda alynyp jatqan sharalarǵa toqtalyp ótti.
QHR Ortalyq áskerı keńesi tóraǵasynyń orynbasary, general-polkovnık Fan Chanlýn bastaǵan resmı delegasııa Astana qalasynda Qazaqstan Respýblıkasynyń Premer-Mınıstri S.Ahmetovpen, Qorǵanys mınıstri Á.Jaqsybekovpen kezdesip, ózara yntymaqtastyq memorandýmyna qol qoıǵan bolatyn.
– Kezdesý nátıjesinde Qytaı jaǵy bizdiń elimizge aýyr tehnıkaǵa arnalǵan 30 tasymal quralyn berýge ýaǵda etti. 30-40 tonnaǵa deıin aýyr júk kóterip, alys qashyqtyqqa jetkizýge arnalǵan mundaı arnaıy tirkeme-qondyrǵy Qazaqstanda shyǵarylmaıdy. Áskerı-tehnıkalyq yntymaqtastyqtyń nyǵaıýy eki jaqqa da tıimdi. Shanhaı yntymaqtastyq uıymy sheńberinde jylda Qazaqstanda Qytaı áskerimen birlesken oqý-jattyǵýlaryna qatysyp júrmiz. Alda QHR áskerı polıgonynda ótetin áskerı jattyǵýǵa barmaqpyz. Taıaýda Qazaqstanda birneshe elderdiń barlaý kúshteriniń jarysy bolyp, qytaılyq áriptesterimiz ekinshi, biz birinshi oryndy ıelendik. Baı tájirıbesi bar, qýaty myqty kórshimizdiń Aqtaýǵa kóńil bólýiniń biz úshin tıimdi jaqtary az emes, – deıdi QR Qarýly Kúshteriniń Áskerı-teńiz kúshteri bas qolbasshysy, kontr-admıral Jandarbek Janzaqov.
Mártebeli qonaqpen birge jıyrmadan asta
