Konferensııa jumysyna otandyq jáne sheteldik ǵalymdar qatysty. Atap aıtqanda, Ázerbaıjan Respýblıkasy Baký memlekettik ýnıversıtetiniń professory, fılologııa ǵylymdarynyń doktory F.Agaeva, О́zbekstan memlekettik ýnıversıteti jáne Ajınııaz atyndaǵy Núkis memlekettik pedagogıkalyq ınstıtýtynyń dosenti, fılologııa ǵylymdarynyń kandıdaty A.Pırnııazova, Túrkııa memleketi Hasettepe ýnıversıtetiniń professory, PhD doktory Halıl Chetın, M.Áýezov atyndaǵy Ońtústik Qazaqstan memlekettik ýnıversıteti «Abaıtaný» ǵylymı-zertteý ortalyǵynyń dırektory, fılologııa ǵylymdarynyń kandıdaty, dosent A.Qalshabekov, M.H.Dýlatı atyndaǵy Taraz memlekettik ýnıversıtetiniń professory, fılologııa ǵylymdarynyń doktory M.Kópbaeva baıandama jasap, latyn grafıkasyna negizdelgen álipbı men emle erejelerdiń lıngvıstıkalyq aspektileri, túrki rýhanııaty men jańa qazaq álipbıine qatysty ózekti máselelerdi talqylady. Latyn álipbıiniń túrki dúnıetanymynda alatyn ornyna toqtalyp, bul bastamanyń qazaq ultynyń saıası-rýhanı ómirinde de mańyzdy ekenin jetkizdi.
