«Bek Eır» áýe kompanııasyna tıesili «Fokker-100» ushaǵynyń qulaǵan jerine qala ákimi Baqytjan Saǵyntaev bardy. Qala basshysy izdestirý qutqarý jumystaryn baqylady. Odan shyǵyp Almaty áýejaıynyń termınalyn aralap shyqty. Sodan keıin №4 aýrýhana men Shuǵyl medısınalyq kómek kórsetý aýrýhanasyna, Balalarǵa shuǵyl medısınalyq kómek kórsetý ortalyǵyna baryp, zardap shekken adamdardyń halyn bildi. Qala basshysy qaza bolǵandardyń otbasyna qaıǵysyna ortaqtasyp kóńil aıtty» dedi Áset Muqajanov.
Aıta keteıik, buǵan deıin Almaty-Nur-Sultan baǵyty boıynsha «Bek Eır» áýe kompanııasynyń №Z2100 reısi ushyp kóterilý kezinde bıiktikten aıyrylyp, betondy qorshaýdy syndyrǵanyn habarlaǵan bolatynbyz.
Eki qabattyq ǵımarat úımen qaqtyǵys boldy. Dereý qutqarý jumystary bastaldy, órt bolǵan joq. Jolaýshylardy jáne áýe kemesiniń ekıpajyn evakýasııalaý júzege asyrylýda. Qazirgi ýaqytta qaza bolǵandardyń sany 7 adamdy quraıdy.
Almatyda qulaǵan ushaq isi boıynsha Premer-Mınıstrdiń tapsyrmasy boıynsha Premer-Mınıstrdiń orynbasary bastaǵan Úkimettik komıssııa quryldy. Komıssııa quramynda Indýstrııa jáne ınfraqurylymdyq damý mınıstri jáne basqa da memlekettik organdardyń ókilderi bar. Komıssııa oqıǵa ornyna ushyp shyǵady.
Oqıǵanyń egjeı-tegjeıli jaǵdaılary men sebepteri anyqtalady. Aldyn ala málimetter boıynsha, bortta 95 jolaýshy, 5 ekıpaj múshesi bolǵan.
