Medısına • 10 Qańtar, 2020

Mańǵystaýdaǵy medısınalyq uıymdardyń MÁMS júıesine daıyndyǵy tekserildi

72 ret kórsetildi

Densaýlyq saqtaý vıse-mınıstri Oljas Ábishev Mańǵystaý óńirine issapary Munaıly aýdanynan bastaldy. 250 aýysymǵa arnalǵan emhana 117 000 halyqqa qyzmet kórsetedi. 2019 jyly 378 149 adamǵa qyzmet kórsetilgen. Búginde 1877 adamnyń saqtandyrylǵan mártebesi anyqtalmaı otyr. Onyń birden-bir sebebi turǵyndardyń tirkelgen mekenjaıda turmaýy nemese kóship ketýinen bolyp otyr. Dese de, bul jumystar áli de jalǵasyn tabatyn bolady. Bul týraly Mańǵystaý oblysy densaýlyq saqtaý basqarmasynyń baspasóz qyzmeti habarlady.

Sondaı-aq búginde ortalyq emhanada mamandar tapshylyǵy sezilip otyr. Atap aıtqanda 23 dáriger jetispeıdi. Al emhana quramynda 7 dárigerlik-ambýlatorııa jáne 4 bastapqy medısınalyq-sanıtarlyq kómek kórsetý ortalyǵy jumys jasaıdy. Barlyq eldi-mekendi qamtylǵan, onyń ishinde Atameken, Qyzyltóbe, Batyr, Baıandy, Dáýlet, Basqudyq jáne Mańǵystaý.

Budan keıin Oljas Ábishev Mańǵystaý oblystyq «Ana men bala» perınataldyq ortalyǵyna baryp, dárigerlerimen júzdesti jáne mekemeniń mindetti áleýmettik medısınalyq saqtandyrý júıesine daıyndyǵyn tekserdi. Ortalyq dırektory Jamal Jamanbaeva materıaldyq-tehnıkalyq jabdyqtalýy men dárigerlerdiń daıyndyǵy jaǵynan jan-jaqty jumys isteýine barlyq jaǵdaı jasalǵandyǵyn tilge tıek etti. Mańǵystaý óńiri respýblıkada týý kórsetkishi boıynsha aldyńǵy qatarda. О́tken jyly óńirde 20000 jýyq bala dúınege kelgen.

Oljas Ábishev «Neıron» emhanasynda da boldy. Mekeme dırektory Nına Samalıkovanyń aıtýynsha, búginde «Neıron» emhanasynda tirkelgen halyq sany 19191. Onyń ishinde balalar sany - 6474, eresekter sany - 12444. Júkti áıelder - 253. Resmı tirkelgen 19191 turǵynnyń barlyǵy saqtandyrylǵan. Emhana elektrondyq júıemen jumys jasaıdy, kompıýterlik tehnıka 100 paıyz ornatylyp, ǵalamtormen tolyqtaı qamtylǵan. Barlyq qyzmetkerler MÁMS boıynsha oqytylyp, testileýden tolyqtaı ótken, orta paıyz 98,2 quraıdy. Emhanada ótken jyldyń qarasha aıynda IV kategorııa boıynsha jedel járdem bólimi ashyldy. Onda 2 avtokólik, mamandyrylǵan 12 qyzmetker jýmys jasaıdy.

Aqtaý qalalyq № 1 emhana mindetti áleýmettik medısınalyq saqtandyrý júıesi boıynsha jumystardy bastap ketti. Emhana dırektorynyń mindetin atqarýshy Eldesh Qosmaǵambetov, negizgi basym baǵyttar árbir turǵyndy qamtı otyryp, tolyqqandy aqparattyq-túsindirý jumystaryn keńinen júrgizý bolyp tabylatyndyǵyn aıtyp ótti. Al vıse-mınıstr Oljas Ábishev bolsa medısınalyq saqtandyrýdyń árbir aspektisi keńinen túsindirilse ǵana, belgili bir nátıjege qol jekizýge bolatynyn aıtady. Sondyqtan da osy jumystardy áli de bolsa jandandyra túsý qajet.

Aqtaý qalasyndaǵy 4 mekeme jáne Munaıly aýdanyndaǵy ortalyq emhana jumysymen tanysqan Oljas Ábishev, oblys ákiminiń orynbasary Qanybek Jumashevtyń qatsýymen ótken mindetti áleýmettik medısınalyq saqtandyrýdy engizý boıynsha daıyndyqty qamtamasyz etý jónindegi jedel ózara is-qımyl jónindegi óńirlik shtabtyń otyrysyna qatysty.

Sońǵy jańalyqtar

Uqsas jańalyqtar