Parlament • 10 Qańtar, 2020

Májilis depýtaty A.Mýradov mańǵystaýlyqtarmen kezdesti

46 ret kórsetildi

Sapar barysynda Qazaqstan halqy Assambleıasy atynan saılanǵan depýtat A.Mýradov Dostyq úıinde etnomádenı birlestik tóraǵalary jáne MO QHA janyndaǵy «Jańǵyrý joly» óńirlik jastar qozǵalysynyń múshelerimen kezdesti. Kezdesý barysynda depýtat A.Mýradov Parlament májilisiniń 2019 jyly atqarǵan jumystary týraly aqparat berdi. Bul týraly Qazaqstan halqy Assambleıasy Mańǵystaý oblystyq fılıaly baspasóz qyzmeti habaraldy.

-Búginde Qazaqstan birlik pen qoǵamdyq kelisimniń altyn besigine aınaldy. Elimizdegi tatýlyq pen yntymaqtyń biregeı úlgisin jahan jurtshylyǵy zerdelep, qazaq eli memleketiniń bedeli jyldan jylǵa artyp keledi , dedi depýtat A.Mýradov.

Sonymen qatar Parlament Májilisiniń depýtaty «Pedagog mártebesi týraly» qabyldanǵan zań jobasynyń jańashyldyqtaryna toqtaldy. Zań jobasyn ázirleýdiń negizgi ıdeıasy — muǵalimderdiń júktemesin azaıtý, olardyń mindetine jatpaıtyn jumystardy oryndaýdan bosatý, sonymen qatar muǵalimderdiń jalaqysyn arttyrýǵa, eńbek demalysyn ulǵaıtýǵa, pedagogtik sheberlik, tálimgerlik úshin qosymsha aqy tóleýge baǵyttalǵan sharalar qarastyrylǵanyn atap ótti.

Májilis depýtaty Volonterler jylyna da toqtaldy.

-Memleket basshysynyń jarlyǵymen 2020 jyl «Volonterler jyly» dep jarııalandy. Osyǵan oraı Qazaqstan halqy Assambleıasy 4 baǵyt boıynsha Tujyrymdama ázirledi. Qazaqstannyń barlyq óńirleri sol tujyrymdamaǵa súıene otyryp, aýqymdy is-sharalardy ótkizýge at salysatyn bolady, dedi depýtat.

Sońǵy jańalyqtar

Uqsas jańalyqtar