Aımaqtar • 10 Qańtar, 2020

Beıneýde brakonerler qolǵa tústi

57 ret kórsetildi

«Brakoner» jedel-aldyn alý is-sharasy barysynda Beıneý aýdanynda polısııa qyzmetkerleri eki er adamdy ustady. Bul týraly Mańǵystaý oblysy Polısııa departamenti baspasóz qyzmeti habarlady.

Olardyń basqarýyndaǵy motosıklden Qazaqstan Respýblıkasynyń Qyzyl kitabyna joıylyp bara jatqan túr retinde kiretin qaraquıryqtyń eti, sondaı-aq 16 kalıbrli ekiaýyzdyq tegis uńǵyly myltyq, 23 oq-dári, pyshaq tabylyp, tárkilendi. О́zderimen birge motokólikti basqarýǵa qujattar bolǵan joq. Qazir ustalǵandarǵa qatysty «zańsyz ań aýlaý» faktisi boıynsha qylmystyq is qozǵaldy.

Bul fakt Qazaqstan Respýblıkasynyń QK-niń 337-babynyń 4-bóligi boıynsha sotqa deıingi tergeýdiń biryńǵaı tizilimine tirkelgen. Ańǵa oq jaýdyrǵan kúdiktiniń bireýi ýaqytsha qamaý abaqtysyna jabyldy. Sot-krımınalıstıkalyq saraptama taǵaıyndalyp, motosıkl aıyp turaǵyna qoıyldy.

Sońǵy jańalyqtar

Uqsas jańalyqtar