Jas órender sondaı-aq, «Qara maıordyń» júrip ótken erlik joldary men áskerı-tarıhı murajaıǵa qoıylǵan jeke zattarymen tanysty. «Ol ádil, shynshyl, senimdi áskerı adam bolǵan edi» deıdi qaharmannyń áriptesteri.
«Borıs Tókenulynyń jasaǵan taktıkalaryn qazir bizde áskerı-patrıottyq klýbtyń oqýshylary baıqap kórip, tájirbıe jınap jatyr. Ol kisiniń atyn, erligin mektepte oqytylatyn tarıh pánine kirgizedi degen oıymyz bar» - deıdi qalalyq Qorǵanys isteri jónindegi departament basshysy Amantaı Úserbaev.
Dańqty sardar Borıs Kerimbaev burynǵy Keńes áskeriniń quramyndaǵy arnaıy jasaqtyń komandıri retinde Otan aldyndaǵy boryshyn abyroımen ótep, erjúrek komandır, tamasha taktık, qaramaǵyndaǵy jaýyngerlerdiń shynaıy qamqorshysy, tálimger ustazy bola bildi. Osyndaı qasıetteri úshin ony áskerı qolbasshylyqta qaramaǵyndaǵy jaýyngerler erekshe qurmet tutsa, qarsylasýshy dushpandar qazaq sardarynyń erligi men tapqyrlyǵyna tánti boldy. Borıs Tókenuly elge oralǵan soń óziniń áskerı bilimi men baı tájirıbesin Táýelsiz Qazaqstan áskeriniń jas sarbazdaryna berýmen aınalysty. Onyń erligi men elge sińirgen eńbegi óz Otanyn súıetin árbir jasqa jaqsy úlgi.
