«Kitap kórmesinde Abaı álemine baılanysty 185-ten astam kitaptar, aqynnyń shyǵarmalary men aýdarmalary shoǵyrlanǵan. Birneshe bólimnen qurastyrylǵan. Kitap kórmesi Abaı álemin oqyrmandarǵa jan-jaqty tanystyrý maqsatynda uıymdastyrylyp otyr», deıdi qalalyq Ortalyqtandyrylǵan kitaphanalar júıesi dırektorynyń orynbasary Lázzat Spataeva.
Memleket basshysy Qasym-Jomart Toqaev óz maqalasynda Abaıdyń týǵan jerin, Semeı óńirin áleýmettik-ekonomıkalyq turǵydan keshendi damytýdy qolǵa alýdy tapsyrǵan edi. Kórmege kelgen aqynnyń urpaqtary mundaı jańalyqty estip, kózaıym bolǵandaryn aıtady. Al kórme ǵulamamen baılanysty jan-jaqty materıaldarmen tolyqtyrylyp, jyl sońyna deıin ashyq bolady.
– Shákárim atanyń denesin qur qudyqqa laqtyrǵany kópshilikke aıan. Otyz jyldan keıin balasy Ahat qazyp alyp shyǵady da, Qaraýyldy aýyldaǵy úıde arýlap sol úıden shyǵarǵan bolatyn. Sol úıde meniń balalyq shaǵym ótti. Áli kúnge deıin ol úı bar. Áli kúnge deıin sol úıde urpaqtary jalǵasýda» - deıdi Abaı Qunanbaıulynyń inisi Ysqaqtyń urpaǵy Nurgúl Ysqaqova
ALMATY
