Bólimshelerdi daıyndaý boıynsha sabaqtar 13 qańtar men 7 shilde aralyǵynda bólimshe komandırleriniń basshylyǵymen ótedi. Osy kezeńde áskerı qyzmetshiler mamandyq boıynsha jeke daıarlyq barysynda alǵan kásibı daǵdylardy ár túrli urys túrlerinde jáne jaýyngerlik jaǵdaılarǵa jaqyndatqan jaǵdaılarda jetildiredi.
«Oqytý barysynda negizgi kúsh-jiger áskerı qyzmetshilerdi bólimsheler quramyndaǵy is-qımyldarǵa daıyndaýǵa jáne jeke quramnyń dalalyq mashyqtaryn jetildirýge, sondaı-aq urysta shtattyq qarý-jaraq pen áskerı tehnıkany sheber jáne tıimdi qoldanýǵa baǵyttalǵan» dep atap ótti «Batys» óńirlik qolbasshylyǵy áskerleri qolbasshysynyń jaýyngerlik daıarlyq jónindegi orynbasary polkovnık Jeńis Maralov.
Jaýyngerlik daıyndyqtyń osy kezeńinde áskerı qyzmetshilermen barlyq sabaqtar bólimshe quramynda úılesimdi is-qımyldardy avtomattandyrýǵa baǵyttalǵan. Sabaqtar «Bólimsheniń shabýyly men qoraǵanysy», «Bólimsheniń marshy men joryqtyq kúzeti» jáne «Bólimsheniń barlaýy» sııaqty taqyryptar boıynsha ótedi. Sońǵy kezeńde bólimshelerdiń jaýyngerlik atystaryn ótkizý bastalady.
