Aımaqtar • 20 Qańtar, 2020

Mańǵystaýda aldaǵy bes jylda 18 mektep salynady dep josparlanýda

119 ret kórsetildi

Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysy bilim basqarmasynyń basshysy Seıdalıev Asqar Ábıuly málimdedi.

Búgingi tańda oblys boıynsha 150 myńǵa jýyq oqýshyny qamtıtyn jeke, keshki, orta bilim jáne jalpy bilim beretin sondaı-aq, arnaıy múmkindigi shekteýli balalardy oqytatyn mektepterdi qosqanda 154 mektep jumys isteıdi. Jyl saıyn kóship kelip jatqan halyqtyń kóptiginen, mektepke qabyldanatyn bala sanynyń ósýine baılanysty búginde úsh aýysymdaǵy mektepter máselesi ózekti bolyp otyr.

- Oblys boıynsha 2018 jyly olardyń sany 6 bolsa, 2019 jyly 9 mektep kóbeıdi. Osy máseleni sheshý maqsatynda ótken jyly Aqtaý qalasynda 2 mekteptiń janynan 320 oryndy qamtıtyn qosymsha ashyldy. Arnaıy júrgizgen sanaqtyń nátıjesinde aldaǵy 5 jyldyqta 72 myńǵa jýyq oqýshy mektep tabaldyryǵyn attaıdy dep kútilýde. Jyl saıyn 19 myńǵa tarta búldirshin birinshi synypqa qabyldanýda. Aldaǵy ýaqytta 3 mekteptiń qurylysyn aıaqtap jáne jeke kásipkerlerdiń qarajaty esebinen taǵy 6 mekteptiń qurylysyn bastaý josparǵa engizilgen, - dedi Mańǵystaý oblysy bilim basqarmasy basshysy.

Memlekettik jekemenshik áriptestik mehanızmi aıasynda Aqtaý qalasynda 2 mektep pen 9 balabaqshanyń qujattary ázirlenip, salynady dep kútilýde.

Oblys boıynsha mektepterdiń beınebaqylaý kameralary jańartylyp, ájethanalaryn ishke kóshirý máselesi sheshilmek.

Osy oraıda aýdandardaǵy 53 mekteptiń ájethanalaryn ishke kóshirý jumystary qyrkúıek aıyna deıin aıaqtalmaq. Jáne de 30 kúndik derekter saqtalatyn baqylaý kameralary barlyq talaptarǵa sáıkes jabdyqtalyp, ornatylatyn bolady.

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar