«Beken jas kóshbasshylar» dostastyǵy volonterlyq korpýsy bıyl Korporatıvtilik jáne «Event» volonterlyq qyzmet aıasynda jumys atqarmaq. Túrli halyqaralyq, respýblıkalyq saıası, mádenı jáne sporttyq sharalarǵa qyzmet kórsetedi. Osy maqsatty byltyr 25 bala aǵylshyn tili kýrsyn támamdasa, bıyl taǵy 100 eriktini til kýrsynan ótkizý josparlanyp otyr.
«Volonterlar korpýsy» jastar toby - Mańǵystaý oblysynyń jastar resýrstyq ortalyǵy men «Beken» jas kóshbasshylar dostastyǵynyń áleýmettik seriktestigi aıasynda 2017 jyldyń qazan aıynyń 6 kúni quryldy.
Volonterlar korpýsynyń «Júregi toly meıirim» jobasy aıasynda áleýmettik jaǵynan az qamtylǵan 180 otbasyǵa áleýmettik kómek, 123 jalǵyzbasty azamatqa adresttik kómek kórsetildi.
Volonterlar korpýsy – quzyrly organdarmen birlesip, iz-tússiz joǵalyp ketken azamattardyń izdestirý sharalaryna atsalysyp keledi.
Búginde «Volonterlar korpýsy» 38 oblystyq, 11 respýblıkalyq, 7 halyqaralyq deńgeıdegi is – sharalarda volonterlyq qyzmet kórsetti.
«Volonterlar korpýsy» volonterlary 2017 – 2019 jyldary aralyǵynda bolǵan Aıagóz aýdanynda tolassyz jaýyn-shashyn saldarynan bolǵan tasqynnan zardap shekken turǵyndarǵa 400 kg, Arys qalasyndaǵy tótenshe jaǵdaılar saldarynan zardap shekkenderge 4 tonna gýmanıtarlyq júk jóneltti.
Volonterlar korpýsy – Birikken Ulttar Uıymy Damý baǵdarlamasy men el Prezıdenti – Qasym-Jomart Toqaevtyń alǵysy ıe bolǵan alǵashqy Mańǵystaýlyq volonterlyq jastar toby.
О́tken jyly óńirde tuńǵysh ret «Volonterlar korpýsynyń» Syılyǵy taǵaıyndaldy. «Volonterlar korpýsynyń» Syılyǵy – jastar tobynyń jobalaryn júzege asyryp, qoǵamdyq qyzmette aıtarlyq jetistikke jetken volonterlardy yntalandyrý maqsatynda taǵaıyndaldy. Atalǵan syılyq bıyl pılottyq nusqada «Volonterlar korpýsy» músheleri arasynda «Úzdik volonter», «Kóshbasshy volonter», «Meıirimdi volonter» jáne «Úzdik koordınator volonter» atalymy boıynsha taǵaıyndaldy.
Bıyl «Volonterlar korpýsynyń» Syılyǵyn óńirdegi barlyq volonterlik toptar men uıymdardar arasynda konkýrstyq negizde tabystaý josparlanǵan.
Mamyr aıyna deıin Aqtaý qalasyndaǵy joǵary oqý oryndary men kásiptik jáne tehnıkalyq oqý oryndarynda «Volonterlar korpýsynyń» bólimsheleri ashylyp, ortaq jumys jospar aıasynda volonterlik qyzmet kórsetý josparlanǵan.
