Aýyr atletıka • 22 Qańtar, 2020

Aýyr atletıka: Reıtıngtik týrnır Tashkentte ótedi

222 ret kórsetildi

8-12 aqpan aralyǵynda О́zbekstanyń bas shahary – Tashkentte aýyr atletıkadan reıtıntik týrnır ótedi.  

Kil myqtylar jınalatyn jarysta Qazaqstannyń tórt sportshysy óner kórsetedi. 61 kılo salmaqta Igor Son baq synaıdy. 102 kılo salmaqta Ilıa Ilın saıysqa túsedi. 109 kılo salmaqta Ibragım Bersanov kúsh synasady. Al áıelder arasyndaǵy 81 kılo salmaq dárejesinde Raýshan Meshithanova jarys kórigin qyzdyrady.  

Qazaqstannyń ulttyq quramasynyń bas bapkeri Iýrıı Melnıkovtiń aıtýynsha, alda Olımpıada joldamalary taratylatyn sanaýly ǵana jarystar qaldy. Sol sebepti de barlyq básekede otandyq ziltemirshiler barynsha tabysty óner kórsetýge tyrysýy kerek.

Al ózge myqty aýyr atletterimiz sáýir aıynda Nur-Sultanda ótetin Azııa chempıonatyna daıarlanyp jatyr. Olardyń qatarynda Nıjat Rahımov, Denıs Ýlanov, Zúlfııa Chınshanlo jáne taǵy basqa sańlaqtar bar. Sol jarysta da jerlesterimiz úshin álemdik reıtıngtegi jaǵdaılaryn jaqsartýǵa tamasha múmkindik týyndaıdy. 

Sońǵy jańalyqtar

Uqsas jańalyqtar