Aımaqtar • 23 Qańtar, 2020

Mańǵystaýda respýblıkalyq dárejedegi eskertkishterge ekspedısııalar uıymdastyrylady

275 ret

kórsetildi

1 mın

oqý úshin

Ǵulama Ál-Farabıdiń 1150 jyldyǵy oraı, «Farabı álemi» atty ǵylymı konferensııa, «Serikbol Qondybaıdyń arǵyqazaq mıfologııasyn zertteýde qoldanǵan metodologııasy men logıkalyq turǵydan jobalaý erekshelikteri» atty monografııa, Batý han negizin qalaǵan Altyn Ordanyń qurylǵanyna 750 jyl tolýyna oraı Atyraý oblysynda, Mańǵystaý óńirinde jatqan respýblıkalyq dárejedegi «Shopan ata», «Qaraman ata» eskertkishinde ǵylymı-zertteý ekspedısııalary uıymdastyrylady. Bul týraly qoǵamdyq kommýnıkasııa ortalyǵynda ótken brıfıngte belgili boldy.

Gúlaıym DÁÝITBAI

Mańǵystaýda respýblıkalyq dárejedegi eskertkishterge ekspedısııalar uıymdastyrylady

2020 jyly qazaqtyń uly aqyny Abaı Qunanbaevtyń 175 jyldyq mereıtoıy aıasyndaǵy mádenı is-sharalar men «Abaı álemi jáne qazirgi zaman» atty halyqaralyq ǵylymı-tájirıbelik konferensııadan bólek oblys kóleminde birqatar jumystar atqarylmaq.

Bıyl sonymen qatar ónersúıer qaýym Pir-Beket Atanyń 270 jyldyǵyna oraı qalalyq aqyndar múshaırasy men Aqtaý qalalyq «Jyr-ǵumyr» atty kásibı jyrshy-termeshiler baıqaýyn tamashalaı alady.

Qazaq halqynyń qundy jádigeri kıiz úı túrleri, onyń qurylymy, jasaýshy sheberler týraly derekter jınaqtalyp, «Tirshilik nári, kóneniń kózi - Mańǵystaý qudyqtaryn» zertteý, olardyń tizimin jasaqtap kartasyn daıyndaý, memleket qorǵaýyna alý baǵyttarynda keshendi is-sharalar jasalady.

Sondaı-aq óńirlik saraptaý keńesi tóraǵasynyń orynbasary, ólketanýshy Alqajan Edilhanteginiń aıtýynsha, qazaqstandyq ǵalymdar «Adaı jylqysy» mártebesin alý maqsatynda osy jyldyń sońyna deıin jumyla jumystanbaqshy.