Aımaqtar • 23 Qańtar, 2020

Aqtaý bıtým zaýyty 2019 jylǵy óndiris josparyn artyǵymen oryndady

28 ret kórsetildi

2019 jyldyń qorytyndysy boıynsha 50% úlesi «QazMunaıGaz» ulttyq kompanııasyna tıesili «CASPI BITUM» BK» JShS jol bıtýmyn óndirý kólemi 369 073 tonnany qurady. Bul josparlanǵan kórsetkishten 23%-ǵa artyq. Salystyratyn bolsaq, 2018 jyly zaýyt 308 286 tonnany óndirgen bolatyn. Bul týraly «QazMunaıGaz» ulttyq kompanııasy jurtshylyqpen baılanys departamenti habarlady.

Munaıdy óńdeý kólemi byltyr 885 969 tonnaǵa deıin jetti. Bul óz kezeginde jospardan 15%-ǵa artyq (2018 jyly – 819 000 tonna).

2019 jyldyń qorytyndysy boıynsha Aqtaý bıtým zaýytynyń ónimin eń kóp Mańǵystaý, Almaty jáne Aqtóbe oblystary paıdalanady eken. Olardyń úlesi sáıkesinshe 18,5%, 18,1% ı 10,6% quraıdy.

Aqtaý bıtým zaýyty tehnıkalyq sıpattamalary boıynsha sapasy joǵary jol bıtýmyn shyǵarý úshin eń ońtaıly shıkizat bolyp tabylatyn «Qarajanbas» ken ornynyń munaıyn jylyna 1 mln tonnaǵa deıin óńdeı alady.

Sońǵy jańalyqtar

Uqsas jańalyqtar