Úkimet • 24 Qańtar, 2020

Asqar Mamın ekonomıkanyń qozǵaýshy kúshi bolyp otyrǵan salalardy atady

80 ret kórsetildi

Memleket basshysy Qasym-Jomart Toqaevtyń tóraǵalyǵymen ótip jatqan Úkimettiń keńeıtilgen otyrysynda  Premer-Mınıstr Asqar Mamın Qazaqstan ekonomıkalyq ósimniń qozǵaýshy kúshi bolyp otyrǵan salalardy atady.



«El ekonomıkasy turaqty damý jolynda. 2019 jyly jalpy ishki ónimniń ósimi 4,5 paıyzdy qurady. Onyń 85 paıyz shıkizattyq emes salalar esebinen qamtamasyz etildi. Ekonomıkalyq ósimniń qozǵaýshy kúshteri – qurylys, saýda, kólik salalary boldy. О́ńdeý ónerkásibindegi ósim 4,4 paıyzdy qurady. Buǵan negizinen mashına jasaý salasy, sonyń ishinde avtokólik jasaý, mashınalar men jabdyqtar óndirisi, farmasevtıka jáne jeńil ónerkásip úles qosty. Taý-ken ónerkásibi 3,7 paıyzǵa ósti. Bul kórsetkishke metall kenin óndirý kólemin 16 paıyzǵa arttyrýdyń nátıjesinde qol jetkizildi», dedi Asqar Mamın.

Úkimet basshysynyń aıtýynsha, negizgi kapıtalǵa ınvestısııa 8,5 paıyzǵa, al jeke ınvestısııa 9,5 paıyzǵa ósken.

«Halyqtyń naqty tabysy 5,5 paıyzǵa ósti. 2019 jyly 2,7 mln adamnyń jalaqysy ósti. Oǵan eń tómengi jalaqyny ulǵaıtý sharasy negiz bolyp otyr», dedi A.Mamın.

Sońǵy jańalyqtar

Uqsas jańalyqtar