Dúnıejúzilik densaýlyq saqtaý uıymy (World Health Organization) kelesi qarapaıym keńesterdi ustanýǵa shaqyrady:
- Eń aldymen, qoldy sabynmen nemese spırt qosylǵan arnaıy suıyqtyqpen jıi tazartyp turǵan jón;
- Kez kelgen adam qoǵamdyq orynda túshkirgende nemese jótelgende aýzy-murnyn qolmen nemese oramalmen jabýy kerek. Oramaldy birden qoqysqa tastap, qoldy jýýǵa keńes beredi;
- Sýyq tıgen, ystyǵy bar jáne jótelip júrgen adammen jaqyn qarym-qatynas jasamaýǵa tyrysý kerek;
- Deneńiz qyzyp, jótel tıip, dem alý qıyn bolǵan jaǵdaıda birden medısınalyq kómekke júginińiz. Dárigerge qaıda saıahattaǵanyńyz týraly aıtýdy umytpańyz;
- Koronavırýs taralǵan aımaqtarda adam kóp jınalǵan bazarlarǵa barǵan kezde janýarlardy ustamaýǵa tyrysyńyz;
- Sondaı-aq, shıki nemese tolyq pispegen mal ónimderin qoldanýdan bas tartqan jón;
- Shıki et, sút ónimderi men mal aǵzasyn tazartqan kezde asa abaı bolý kerek.
Bul qarapaıym keńesterdi ustana otyryp, ózińiz ben aınalańyzdaǵy adamdardy indetten qorǵaı alasyz.
