Qazaqstan Respýblıkasy Prezıdentiniń shákirtaqysy – Nazarbaev shákirtaqysyna laıyqty magıstranttardy irikteý jónindegi Qazaqstan Respýblıkasynyń Bilim jáne ǵylym mınıstrligi konkýrstyq komıssııasynyń otyrysy ótti.
Qazaqstan Respýblıkasy Ulttyq ǵylym akademııasynyń múshesi N.Á.Nazarbaevtyń aı saıynǵy shákirtaqy qory taǵaıyndaıtyn Nazarbaev shákirtaqysy elimiz joǵary oqý oryndarynyń «júzden júırik, myńnan tulpar» atanǵan oqý úlgerimi úzdik, ǵylymı-zertteý jumysymen aınalysyp, joǵary oqý ornynyń, qalanyń, elimizdiń qoǵamdyq qyzmetine belsendi aralasyp júrgen 10 magıstrantyna beriledi. Komıssııa otyrysyna tóraǵalyq etken Bilim jáne ǵylym mınıstri Baqytjan Jumaǵulov joǵary oqý oryndary ǵylymı keńesi usynǵan 50 úmitkerdiń talqyǵa túskenin habarlady. Olardyń barlyǵy da ekinshi jyl oqyp jatqan magıstranttar. Konkýrstyq komıssııa solardyń arasynan 10 magıstrant tańdalyp alyndy. Barlyq úmitkerlerdiń oqý úlgerimi joǵary – 4,0 (GPA).
Úzdik magıstranttarǵa Nazarbaev shákirtaqysy osymen úshinshi ret tapsyrylyp otyr. Jyl saıyn úmitkerler sany artýda. Birinshi jyly konkýrsqa 14 magıstrant qatyssa, ekinshi jyly 28 úmitker óz baqtaryn synaǵan edi. Bıyl olardyń sany 50-ge jetti.
«Egemen-aqparat».
