«Bir mınýt únsizdik» aksııasy bastaldy

Qazaqstannyń Sıngapýrdegi elshiliginiń bastamasymen áıgili veb-saıttyń paıdalanýshylaryn 29 tamyzda saǵat 11.05 mınýtta ıadrolyq synaq qurbandaryn eske alý maqsatynda «Bir mınýt únsizdikke» qosylýǵa shaqyratyn «Álemdi qarýsyzdandyrý jolynda qol ustas» (Arm-to-arm to disarm the world) aksııasy «Facebook» áleýmettik jelisinde bastaldy, dep habarlady SIM-niń baspasóz qyzmeti.

Atalǵan aksııa ýaqyty kezdeısoq emes. Qazaqstandaǵy Semeı polıgo­ny­nyń jabylǵan kúni 29 tamyz – Qazaq­stan Respýblıkasynyń Prezıdenti N.Na­zar­baevtyń jigeriniń arqasynda BUU Bas Assambleıasy Iаdrolyq synaqtarǵa qar­sy is-qımyldyń halyqaralyq kúni dep jarııalanǵany málim. Al atal­ǵan ýaqyttaǵy saǵat jáne mınýt til­deri jeńis pen beıbitshilik sımvolyn beıneleıtin latynnyń «V» árpin qu­raıdy.

Elshiliktiń www.Facebook.com/Kazak­hstanEmbassy paraqshasy «Atom» jobasy jóninde baıandaıdy jáne aýdıtorııany qalys qalmaı, aksııany «Like» belgisin basý arqyly qoldaýǵa shaqyrady.