Shalqyp jatqan shalqar teńizdiń sýy erneýinde ǵana qaldy. Aınala aq tuzdyń alqabyna aınaldy. Qumnyń arasynda balyqshynyń qural-jabdyǵy jelmen kólbeńdeıdi. Teńizdiń tabanyna turaqtaǵan kemelerdiń qańqasy ǵana qalǵan. Keshe ǵana sýy tolqyndap, nýy jaıqalǵan berekeli mekenniń búgin merekesi tarqap tur. Adamdar údere kóshýdi úrdiske aınaldyrdy. Balyq ketken soń halyqtyń turaqtamaıtyny da belgili ǵoı. Bul – Araldyń ótken beınesi edi.
Shalqyp jatqan shalqar teńizdiń sýy erneýinde ǵana qaldy. Aınala aq tuzdyń alqabyna aınaldy. Qumnyń arasynda balyqshynyń qural-jabdyǵy jelmen kólbeńdeıdi. Teńizdiń tabanyna turaqtaǵan kemelerdiń qańqasy ǵana qalǵan. Keshe ǵana sýy tolqyndap, nýy jaıqalǵan berekeli mekenniń búgin merekesi tarqap tur. Adamdar údere kóshýdi úrdiske aınaldyrdy. Balyq ketken soń halyqtyń turaqtamaıtyny da belgili ǵoı. Bul – Araldyń ótken beınesi edi.
Araldan ushqan aq tuz Antarktıdaǵa jetkende bul bizdiń problemamyz ǵana emes edi. Tutas álemniń bas aýrýyna aınalǵan. Osy tusta Elbasy Nursultan Nazarbaev úlken bastamany qolǵa aldy. Ol – SARATS jobasy bolatyn. Iаǵnı Araldy qaıta qalpyna keltirýdiń keshendi jumysy. Atalǵan jobanyń alǵashqy fazasynda Kishi Aralǵa sý keldi. Sýmen birge ómir ornyqty. Prezıdenttiń tikeleı muryndyq bolýymen búginde Aral óńiriniń ajary kire bastady. Al 1993 jyly Halyqaralyq Araldy qorǵaý qory quryldy. Qordy qurýǵa Qazaqstan bas bolyp, О́zbekstan, Qyrǵyzstan, Túrkimenstan, Tájikstan sııaqty baýyrlas memleketter tize qosty. Sonyń nátıjesinde talaı tirliktiń basy qaıyryldy. Atan túıeniń beli shydamas jumystar atqaryldy.
Halyqaralyq qordyń qurylǵanyna bıyl jıyrma jyl toldy. Osy oraıda qorǵa múshe memleketterdiń ókilderi men halyqaralyq uıymdardyń músheleri, elshilik qyzmetkerleri, ekolog mamandar Qyzylorda oblysyna arnaıy keldi. Qorqyt ata atyndaǵy Qyzylorda memlekettik ýnıversıtetiniń Stýdentter saraıynda «Qazaqstan Respýblıkasy Úkimetiniń «jasyl» ekonomıkaǵa kóshý jónindegi bastamasyna oraı Aral teńiziniń qazaqstandyq bóliginde sý resýrstaryn basqarýdy ıntegraldaýdyń ozat tájirıbesinen habardar bolýdy arttyrý» taqyrybynda májilis ótkizdi. EQYU-nyń Astana qalasyndaǵy ortalyǵynyń jetekshisi, elshi Natalııa Zarýdna, sondaı-aq BUU DB ókilderi, sý máseleleri jónindegi halyqaralyq jobalardyń sarapshylary, basseındik basqarmalardyń qyzmetkerleri qatysty.
Halyqaralyq Araldy qutqarý qory men EQYU Astanadaǵy ortalyǵy birlesip ótkizgen sharany ashqan atqarý dıreksııasynyń dırektory Medet Ospanov qazirgi tańda qolǵa alynyp otyrǵan jobalarǵa toqtaldy. Shanhaı yntymaqtastyq uıymy Basqarmasynyń keńesshisi Darhan Nursadyqov Syrtqy ister mınıstriniń, Halyqaralyq Araldy qutqarý qory atqarý komıteti tóraǵasynyń orynbasary Demesin Nurmaǵanbetov Sý sharýashylyǵy komıteti tóraǵasynyń ystyq iltıpattaryn jetkizdi. EQYU Astanadaǵy ortalyǵynyń jetekshisi, elshi Natalııa Zarýdna Eýropadaǵy qaýipsizdik jáne yntymaqtastyq uıymy tarapynan Aral teńiziniń qazaqstandyq bóliginde sý resýrstaryn basqarýdy ıntegraldaý jobasy júzege asyrylyp jatqanyn baıandady. Shara barysynda qordyń atqarý dıreksııasynyń dırektory Medet Ospanov salanyń jumysyna eleýli úles qosqan bir top qyzylordalyq aǵaıyndy qordyń 20 jyldyq estelik tósbelgisimen marapattady. Dóńgelek ústel otyrysy odan ári plenarlyq májiliske jalǵasty. Onda táýelsiz sarapshy Igor Petrakov «Jasyl» ekonomıkadaǵy sý sektoryn ilgeri jyljytý joldary», táýelsiz sarapshy Aleksandr Mıroshnıchenko «Jasyl» ekonomıkadaǵy sý resýrstaryn basqarý: basseındik korporasııa jáne tarıfter», ulttyq strategııa jónindegi BUU DB jobasyn úılestirýshi Talǵat Kerteshov «Jasyl» ekonomıkaǵa tabıǵı kapıtal arqyly» taqyrybynda baıandama jasady.
Halyqaralyq sharanyń baǵdarlamasy boıynsha birinshi sessııada «Kishi Aral men Syrdarııa ózeniniń saǵasyndaǵy sýdyń sapasy», ekinshi sessııada «Jasyl ekonomıkaǵa ótýdiń negizi – sý jınaqtaıtyn tehnologııalar» taqyryby talqylansa, al úshinshi sessııada óńirimizdegi birqatar obektilerdiń tusaýkeseri ótkizildi. Dóńgelek ústel otyrysynda qaralǵan máseleler qorytyndylanyp, oǵan qatysýshylar úndeý qabyldady.
Shara sońynda alys-jaqyn shetelder men respýblıkamyzdyń ózge óńirlerinen kelgen konferensııa qonaqtary Qaraýyltóbe táji-rıbe sharýashylyǵynyń kúrish alqaptary men Qorqyt ata atyndaǵy Qyzylorda memlekettik ýnıversıtetiniń jylyjaı
