Merzimin 10 tamyzǵa deıin uzartty
Amerıka Qurama Shtattary ózderiniń shetelderdegi 19 elshiliginiń jumysyn ýaqytsha toqtatý merzimin 10 tamyzǵa deıin uzartty. Bul jóninde «Reıter» agenttigi AQSh Memlekettik departamentiniń málimdemesine silteme jasaı otyryp habarlady.
Merzimin 10 tamyzǵa deıin uzartty
Amerıka Qurama Shtattary ózderiniń shetelderdegi 19 elshiliginiń jumysyn ýaqytsha toqtatý merzimin 10 tamyzǵa deıin uzartty. Bul jóninde «Reıter» agenttigi AQSh Memlekettik departamentiniń málimdemesine silteme jasaı otyryp habarlady.
Osyǵan baılanysty 10 tamyzǵa deıin AQSh-tyń Iordanııa, BAÁ, Egıpet, Saýd Arabııasy, Katar, Kýveıt, Bahreın, Oman, Iemen, Sýdan, Lıvııa, Býrýndı, Djıbýtı, Raýnd, sondaı-aq Madagaskar men Mavrıkadaǵy elshilikteri men konsýldyqtary jumys istemeıdi. Buǵan deıin jumysy ýaqytsha toqtatylǵan AQSh-tyń Bangladesh, Aljır, Mavrıtanııa, Aýǵanstan jáne Iraktaǵy elshilikteri keshe qaıta ashyldy. Elshilikter jumysynyń ýaqytsha toqtatylýy «Al-Kaeda» uıymynyń terrorlyq áreketter jónindegi málimdemesine baılanysty bolsa kerek.
Premer-mınıstrdi ótkizýden bas tartty
Egıpet buqaralyq aqparat quraldarynyń habarlaýynsha, Túrkııa premer-mınıstri Redjep Erdoǵannyń tamyz aıynyń basynda Gaza sektoryna josparlanǵan sapary ózgertildi.
Aqparattarǵa qaraǵanda, Egıpet bıligi T.Erdoǵandy óz aýmaǵynda qabyldaýdan bas tartqan. Túrkııa premer-mınıstri Gaza sektoryna tek Egıpet eliniń aýmaǵy arqyly ǵana óte alady. Erdoǵannyń saparynyń ózgertilgendigin qazirge Túrkııa da, Egıpet te, Palestına da resmı túrde naqtylaǵan joq. Atap óteıik, Túrkııa premer-mınıstriniń Gaza sektoryna saparmen kelýi jónindegi aldyn ala ýaǵdalastyqqa osy jyldyń kókteminde qol jetkizilgen edi. Sol kezde Egıpettiń prezıdenti Mohammed Mýrsı bolatyn.
El astanasynda qaýipsizdik sharalary kúsheıtildi
Pákstan astanasy – Islamabadta terrorlyq qaýip-qater múmkindiginiń joǵary deńgeıi jarııalandy. El úkimetindegi laýazymdy tulǵanyń aıtýynsha, buǵan pákstandyq arnaıy qyzmet organdarynyń terrorshylar tarapynan shabýyldar daıyndalyp jatqandyǵy týraly aqparattar alǵandyǵy sebep bolǵan.
Búginde Islamabadta armııa bólimsheleri men polısııa qatań rejimge kóshirildi. Qala ústin, taý silemderin áskerı ushaqtar baqylaýǵa alǵan, Islamabad mańaıyn áskerıler kúzetýde. Ásirese, mınıstrlikter men memlekettik mekemeler ornalasqan, sondaı-aq áskerı nysandar erekshe qorǵaýǵa alynǵan.
335 adamdy «non grat» dep jarııalady
Ázerbaıjannyń syrtqy ister mınıstrligi Taýly Qarabaqqa barǵany úshin «non grat» dep jarııalanǵan tulǵalardyń tizimin taratty. Mınıstrlik baspasóz qyzmetiniń málimdeýinshe, tizimge 335 adam enip otyr.
Olardyń arasynda Reseıdiń Armenııadaǵy burynǵy elshisi V.Stýpıshın, Reseıdiń saıası jáne áskerı taldaý ınstıtýtynyń bólim bastyǵy S.Markedonov, sondaı-aq Reseı Memlekettik dýmasynyń 14 depýtaty bar. Bulardan bólek tizimge brıtandyq lordtar palatasynyń burynǵy vıse-spıkeri baronessa Kerolaın Koks, ıtalıandyq ánshi Al Bano, ıspandyq ánshi Monserrat Kabale, ánshi Fılıpp Kırkorovtyń ákesi – Bedros Kırkorov, sonymen qatar, Eýroparlamenttiń, Fransııa, Ulybrıtanııa, Shveısarııa jáne Ýrýgvaı parlamentteriniń birqatar depýtattary kirgizilgen kórinedi.
Prezıdenttik saılaýda Mýgabe jeńiske jetti
Zımbabvede ótken prezıdenttik saılaýda 89 jastaǵy Robert Mýgabe jeńiske jetti. «Frans-press» agenttiginiń habarlaýynsha, Mýgabege saılaýshylardyń 61 paıyzy daýys bergen. Onyń eń basty básekelesi, eldiń premer-mınıstri Morgan Tsvangıraıdy saılaýshylardyń 34 paıyzy qoldaǵan.
Jaqynda eldiń ortalyq saılaý komıssııasy prezıdenttik saılaýmen qatar ótken parlamenttik saılaýdyń da nátıjesin shyǵardy. Onda Mýgabe jetekshilik etetin «Zımbabve afrıkalyq ulttyq odaǵy» partııasy jeńiske jetip, parlamenttegi 210 orynnyń 142-sin aldy. Endi prezıdenttik partııanyń el konstıtýsııasyna ózgerister engizýine múmkindikteri bar. Robert Mýgabe eldi 33 jyldan beri basqaryp keledi.
Sóıleıtin roboty bar apparatty ǵaryshqa ushyrdy
Japonııa ózderiniń NTV4 ǵaryshtyq júk tasyǵyshyn júkterime n birge, Halyqaralyq ǵarysh stansasy úshin orbıtaǵa shyǵardy. Ǵaryshtyq apparatty ushyrý Tanegasıma aralynan jergilikti ýaqyt boıynsha saǵat 4.48-de júzege asyrylǵan.
Apparattyń bortynda aýyz sý, tamaq, kıim jáne halyqaralyq ǵarysh stansasy ekıpajyna qajetti basqa da materıaldar, sondaı-aq, sóıleıtin shaǵyn robot bar. Robottyń boıy 30 santımetrden astam, salmaǵy bir kıloǵa jýyq. Ol japon tilinde sóıleı alady jáne ol stansadaǵy japondyq astronavt Koıtı Vakatamen birge jerge oralatyn kórinedi.
Qysqa qaıyryp aıtqanda:
*Lýızıana shtatyndaǵy Loýtell qalasynda hımııalyq zattar tıelgen poıyz apaty saldarynan 100-den astam úıdiń turǵyndary qaýipsiz jerge jetkizildi. Apat sebepteri anyqtalý ústinde.
*Soltústikten Koreıa basshylyǵy tasqyn sý basýyna baılanysty jazǵy áskerı jattyǵýlar baǵdarlamasyn qysqartýǵa májbúr boldy. Oǵan qatysýǵa tıis áskerıler tasqyn saldaryn joıýǵa jumyldyrylǵan.
*«Túrkimen áýe joldary» memlekettik avıakompanııasynyń ushaqtary jalaqylaryn kóbeıtýdi jáne eńbek jaǵdaılaryn jaqsartýdy talap etti. Kompanııa basshylyǵy ushqyshtar talabyn oryndaýdan bas tartyp otyr.
*AQSh-tyń qorǵanys mınıstrligi teńizdegi qarýly kúshterin edáýir qysqartpaq. Katardaǵy 11 avıatasymaldaýshy kemeniń 8-i nemese 9-y qalady. Sonymen qatar, áskerı teńiz kúshterindegi 10 myńǵa jýyq adam qysqartýǵa ushyraıtyn kórinedi.
Internet materıaldary negizinde ázirlendi.
