Shymkenttegi áskerı bólimderdiń biriniń serjanty beıbit turǵynǵa qastandyq jasady. Qasyndaǵy sybaılasymen 25 jastaǵy boıjetkendi zorlap, sońynan býyndyryp óltirgen. 25 shildeniń túninde oryn alǵan qandy oqıǵanyń aq-qarasyn qazir tergeý anyqtap jatyr. Bul týraly otyrar.kz habarlady.
Aıta keteıik, bul jyl basynan beri óńirde áskerılerdiń qatardaǵy azamattarǵa qatysty jasalǵan jalǵyz qylmys emes.
25 jasar áıel adamnyń máıiti «Shapaǵat-2» shaǵyn aýdanyndaǵy shuqyrdan tabylǵan. Saraptama boıjetkenniń qylqyndyryp óltirilgenin anyqtap otyr. О́li deneni osy mańdaǵy turǵynnyń biri taýyp, polısııaǵa habar bergen.
Áskerı prokýratýranyń málimetinshe, atalǵan shaǵynaýdannyń turǵyny 1978 jyly týǵan Islamhan Sharafýddın aýmaqtaǵy №43 ÝPP-niń ınspektory polısııa kapıtany O.Algıbaevqa «Shapaǵat-2» shaǵyn aýdanyndaǵy saıda máıit jatqany týraly habarlaǵan.
Anyqtaý sharalary boıjetkenniń ómiri basqa jerde qıylǵanyn kórsetti. Áskerı prokýratýranyń málimetinshe, óltirerdiń aldynda boıjetken zorlanǵan. Osy oqıǵa boıynsha qaladaǵy áskerı bólimderdiń biriniń serjanty qolǵa tústi.
«Áskerı qyzmetker 03-534 áskerı bóliminiń kelisim-shart boıynsha áskerı qyzmetkeri. Myrzaǵalıev degen. Ol qazirgi tańda osy is boıynsha kúdikti retinde. Ol bul qylmysty Sokolenko degen azamatpen toptalyp jasaǵan. Qazirgi tańda 29-shilde 2013 jyldyń Eńbekshi aýdandyq sottyń sheshimimen olar qamaýda otyr», - dedi Shymkent garnızony áskerı prokýrynyń orynbasary Esjan Sybanbaev.
Belgili bolǵany, Oqıǵa shildeniń 25-inen 26-syna qaraǵan túni oryn alǵan. Kórshisimen serilikke shyqqan kelisimshart serjanty 25 jastaǵy boıjetkenmen tanysady. Tanystyq Qaınarbulaq saıajaıynda jalǵasady. Qylmys ta sol jerde oryn alǵan. Qyzyqty kesh barysynda el qorǵaıdy degen sarbaz qyz zorlaıdy. Qylmysyn jasyrý úshin ony óltirip, máıitti qalanyń ekinshi shetine aparyp tastaǵan. Kúdikti qyzmet etetin 03-534 áskerı bóliminiń basshylyǵy qyzmetkerinen mundaı qatygezdikti kútpese kerek. «Tóbemizden jaı túskendeı boldy» dep otyr.
«Men ol jerde ne bolǵanynan habarsyzbyn. Tipti eshteńe túsiner emespin. Biz úshin kútpegen aýyr jaǵdaı boldy bul. Senesizder me, bizdiń ujymda sońǵy 10 jyl ishinde eshqandaı tártip buzýshylyq oryn almaǵan. Tatý-tátti turamyz, maqtan tutatyn edim», - deıdi Sergeı Poplavskıı, 03-534 áskerı bóliminiń komandıri.
Qazir osy oqıǵa boıynsha qylmystyq is tergelip jatyr. Sarbaz ben birge onyń kórshisi de — qarapaıym azamat tutqynǵa alyndy. Aıta keteıik, Ońtústik Qazaqstan oblysynda áskerı qylmystar sany 20 paıyzǵa azaıǵan. Esesine, sarbazdardyń qarapaıym turǵyndarǵa qatysty qylmysy 30 paıyzǵa artyp otyr.
Murat Aıtqoja.
