Bul týraly Mańǵystaý oblysy boıynsha Sybaılas jemqorlyqqa qarsy qyzmet departamentiniń baspasóz qyzmeti habarlady.
Bul usynysty engizýge negiz bolǵan kelesideı mán-jaılar:
О́tken jyldyń qyrkúıek aıynan bastap memlekettik bıýdjetten Mańǵystaý oblysy boıynsha «Áleýmettik medısınalyq saqtandyrý qory» fılıalyna respýblıkalyq bıýdjetten 37 mln teńge bólingen.
Osy bólingen qarajattyń basty maqsaty – qymbat zertteýlerdi júzege asyrý, sonyń ishinde onkologııaǵa sezigi bar naýqastardyń aldyn-alýǵa arnalǵan magnıttik-rezonanstyq tomografııalarda jáne kompıýterlik tomografııalarda tegin túsirý.
О́z kezeginde, oblystyq Onkologııalyq dıspanser kózdelgen sharany júzege asyrý maqsatynda ótken jyldyń qyrkúıek aıynan bastap jeltoqsan aıyna deıin ózara kelisimshart negizinde «Inivivo» zerthanalyq laboratorııasyna árbir kompıýterlik jáne magnıttik-rezonanstyq tomografııalarǵa túsken adamdar úshin aqsha aýdaryp otyrǵan.
Alaıda, atalmysh «Inivivo» zerthanalyq laboratorııasynyń qyzmetkeri onkologııaǵa sezigi bar naýqastardy magnıttik-rezonanstyq tomografııaǵa tegin túsirý kerektigin bile tura osy zertteýden ótýge kelgen adamdardan (naýqastardan) aldaý jolymen aqsha alyp, ony ıemdenip otyrǵan.
Osyǵan oraı Sybaılas jemqorlyqqa qarsy qyzmet departamentimen qazirgi tańda sotqa deıingi tergeý júrgizilýde.
Aldaǵy ýaqytta osy usynys boıynsha qabyldanǵan sheshim jaıynda jarııalanatyn bolady.
Mańǵystaý oblysy
