«2050 jylǵa qaraı Qazaqstan óziniń óndiristik aktıvterin eń jańa tehnologııalyq standarttarǵa sáıkes tolyqtaı jańartýy tıis».
Nursultan NAZARBAEV.
(«Qazaqstan-2050» Strategııasy – qalyptasqan memlekettiń jańa saıası baǵyty»
atty Qazaqstan halqyna Joldaýynan).
Bıyldan bastap О́skemen men Shúlbi sý elektr stansalaryna aýqymdy jóndeý jumystary júrgizilýde
«2050 jylǵa qaraı Qazaqstan óziniń óndiristik aktıvterin eń jańa tehnologııalyq standarttarǵa sáıkes tolyqtaı jańartýy tıis».
Nursultan NAZARBAEV.
(«Qazaqstan-2050» Strategııasy – qalyptasqan memlekettiń jańa saıası baǵyty»
atty Qazaqstan halqyna Joldaýynan).
Bıyldan bastap О́skemen men Shúlbi sý elektr stansalaryna aýqymdy jóndeý jumystary júrgizilýde
Qazaqstandaǵy AES kompanııalar tobynyń qoǵammen baılanys qyzmetiniń dırektory Svetlana Nıshenkonyń aıtýynsha, aldaǵy ýaqytta 60 jyldyq tarıhy bar О́skemen GES-inde jańa ınjenerlik-turmystyq korpýs qurylysy aıaqtalmaq. Atalǵan nysannyń jalpy kólemi 800 sharshy metrdi quraıdy. Bul – barlyq qyrynan qazirgi zaman talaptaryna saı ári qyzmetkerler eńbegin jaqsartýǵa baǵyttalǵan ǵımarat. Máselen, ınjenerlik-turmystyq korpýsta jumys keńselerimen qatar 46 orynǵa arnalǵan ashana, medpýnkt, májilis zaly, qaýipsizdik tehnıkasyn oqytýǵa arnalǵan zamanaýı oqý synyby qarastyrylǵan.
Bıyl maýsym aıynda О́skemen sý elektr stansasynyń №3 gıdroqurylǵysyn qaıta qurylymdaý jumystary bastaldy. Agregat paıdalanýǵa berilgende onyń qýaty 9 MVt-ǵa deıin artady dep kútilýde. Qazirgi kezde stansanyń qoldanystaǵy jabdyqtaryn jańartý boıynsha is-sharalardy júzege asyrý kezeń-kezeńimen oryndalyp jatyr.
Jospar boıynsha 2015 jyly jańǵyrtylǵan gıdroqurylǵy paıdalanýǵa berilýi tıis. Jalpy, Shúlbi jáne О́skemen GES-indegi ınvestısııalyq jobalardy júzege asyrý stansanyń negizgi jáne qosalqy jabdyqtaryn, sondaı-aq elimizdiń shyǵysyndaǵy gıdrotehnıkalyq qurylym keshenderiniń qaýipsizdigi men senimdiligin arttyrýǵa baǵyttalǵan.
Shúlbi GES-inde de qaıta jańǵyrtý jumystary júrgizilýde. 2013 jyly mańyzdy jobalar qatarynda jańadan órt qaýipsizdigi deposy qurylysynyń bastalýy men stansa ǵımaratynyń qasbetin jóndeý jumystaryn aıtýǵa bolady.
«О́rt qaýipsizdigi týraly» Zańǵa sáıkes, energetıkalyq nysandarda kez kelgen órtti jedel óshirýge arnalǵan jeke órtten qorǵaý qyzmetiniń qurylýy talap etiledi. Shúlbi GES-inde mundaı qyzmet túri bar, al órt qaýipsizdigi deposy órtten qorǵaý qyzmetiniń qyzmetkerlerine qajetti jaǵdaı jasaıdy.
12 myń sharshy metr aýmaqty quraıtyn ǵımarattyń qasbetine zamanaýı árleý jáne jylylaý materıaldary qoldanylmaq. Nátıjesinde, Shúlbi stansasynyń mashınalar zalyndaǵy jabdyqtarǵa qolaıly temperatýra belgileýge múmkindik týady.
Kompanııa ókilderiniń aıtýynsha, ınvestorlar bıyl atalǵan jobalarǵa 6 mlrd. teńgege jýyq qarjy quıady.
О́skemen jáne Shúlbi sý elektr stansalary – Ertis ózeniniń boıyndaǵy jasandy qulama sýǵa salynǵan stansalardyń bir bóligine jatady. 1939 jyly qurylysy bastalǵan О́skemen GES-i soǵys jyldarynan keıin qaıta jalǵasyp, óziniń alǵashqy elektr qýatyn 1952 jyly taratqan bolatyn. Al Shúlbi GES-i – elimizdegi eń jas stansalar sapynda, 1987 jyldan bastap alǵashqy elektr qýatyn óndire bastady.
Dýman ANASh.
Shyǵys Qazaqstan oblysy.
