Taıaýda Qytaıda ótken «Daýys» atty án baıqaýynyń irikteý týrynda Úrimjiden kelgen Tasqyn atty 34 jastaǵy jigit daýsynyń tereńdigimen, ániniń áserliligimen qazylar alqasyn túgel tańǵaldyryp, olardyń kózderine jas aldyrdy.
Taıaýda Qytaıda ótken «Daýys» atty án baıqaýynyń irikteý týrynda Úrimjiden kelgen Tasqyn atty 34 jastaǵy jigit daýsynyń tereńdigimen, ániniń áserliligimen qazylar alqasyn túgel tańǵaldyryp, olardyń kózderine jas aldyrdy.
Ánshi jigit bul keshte Marııam Jagorqyzynyń «Dýdar-aı» ánin oryndapty. Keıin málim bolǵanyndaı, ol aldymen ándi qytaı tilinde shyrqaǵan. Biraq onysy jurttyń júregin onshalyqty tebirente almaǵan. Kelesi joly ánniń tól nusqadaǵy varıantyn oryndaǵanynda qazylar qaýymynyń kóńilderi bosap, kózderine ıe bola almapty.
Mine, ánniń qudireti degen osy! Qytaılar onyń qazaq tilindegi mátinine túsinbese de, osylaı etken. Olar alǵashynda ándi durys baǵalaı almaǵandaryna ókinish bildiripti. Jergilikti aqparat quraldarynyń málimdeýinshe, ulty qazaq Tasqyn otbasymen birge Úrimjide turady eken. Ejelgi Shyǵys Túrkistan jerindegi bas qaladaǵy mektepterdiń birinde muǵalim bolyp qyzmet atqaratyn ol ánnen sabaq beredi. Aıtýly jarysta máreniń sońyna deıin talmaı shaba almasa da, Tasqyn osy bir ǵana ánimen-aq talaı jurttyń kókeıinde qalyp qoıdy.
Atalmysh án men oryndaýshynyń ataq-dańqy qazirdiń ózinde sharyqtap, kúlli álemge keńinen tarap jatyr. Buqaralyq aqparat quraldarynyń jazýynsha, Qytaı saıttarynan oryn alǵan Tasqynnyń «Dýdar-aı» ániniń klıpin qazirge deıin 2,5 mıllıonnan astam adam tamashalap úlgeripti. Úrimjiden ushqan úzdik ánniń áýeni shynynda da tyńdaǵan jandy tań-tamasha qaldyrady.
Murat AITQOJA.
P.S. Bul ánniń klıpin bizdiń redaksııa saıtynan («Qytaıdy tańǵaldyrǵan qazaq jigiti») da kórýge bolady.
