Premer-Mınıstrdiń birinshi orynbasary — О́ńirlik damý mınıstri Baqytjan Saǵyntaev Aqtóbe oblysyna bir kúndik jumys saparymen keldi. Onyń saparynyń negizgi maqsaty aımaqtyń áleýmettik-ekonomıkalyq damýy jáne salalyq memlekettik baǵdarlamalardy júzege asyrý barysymen tanysý bolyp tabylady.
Premer-Mınıstrdiń birinshi orynbasary — О́ńirlik damý mınıstri Baqytjan Saǵyntaev Aqtóbe oblysyna bir kúndik jumys saparymen keldi. Onyń saparynyń negizgi maqsaty aımaqtyń áleýmettik-ekonomıkalyq damýy jáne salalyq memlekettik baǵdarlamalardy júzege asyrý barysymen tanysý bolyp tabylady.
Premer-Mınıstrdiń birinshi orynbasary kelgen boıda Alǵa aýdanyna atbasyn tiredi. Ol eń aldymen «Angýs» jáne «Gereford» asyl tuqymdy iri qara ósirip, bordaqylaýmen jáne ótkizýmen aınalysatyn «AkTep» JShS mal sharýashylyǵy kesheninde boldy. «AkTep» JShS quryltaıshysy Nurlan Saǵynalın keshenniń jumysy jáne et klasteri kásipornynyń damý jobalary týraly habardar etti. Onyń aıtýynsha, bir mezgilde 3000 iri qarany bordaqyda ustaýǵa eseptelgen keshenniń birinshi kezegi 2012 jyldyń aqpan aıynda paıdalanýǵa berilgen. Qazir munda 1836 ónim beretin sıyr ustalýda. Qajetti mal azyǵyn daıyndaý úshin «QazAgroQarjy» AQ arqyly 127,7 mln. teńge somaǵa mal azyǵyn daıyndaý tehnıkasy lızıngke alynǵan. Munda jaqyn ýaqytta 10 myń iri qara bordaqylaýǵa baǵyt ustalýda.
Baqytjan Saǵyntaev bastaǵan delegasııa osyndaǵy jumysshylarǵa arnalǵan 48 oryndyq jataqhanadaǵy turmystyq jaǵdaıdy kórdi. Ol mal sharýashylyǵy keshenin aralap kórgennen keıin oblystyń agroónerkásip kesheni kórme qoıylymdarymen tanysty.
Premer-Mınıstrdiń birinshi orynbasary Baqytjan Saǵyntaev «Bıznestiń jol kartasy-2020» memleketik baǵdarlamasy aıasynda memlekettik qoldaýǵa ıe bolǵan Alǵa qalasyndaǵy «Aıym A» avtomektebinde bolyp, onyń materıaldyq bazasymen jáne júrgizýshiler daıarlaý baǵytyndaǵy jumysymen tanysty. Munda 1280 avtomobıl júrgizýshisi daıarlanǵan. Sonyń 86-sy «Kórkeıe ber, týǵan jer» aksııasy aıasynda tegin oqytylypty. Osy arada jınalyp qalǵan qala turǵyndarynyń ótinishterin tyńdady. Alǵalyqtar qala kósheleriniń tarlyǵyn, balalar oınaıtyn alańdardyń jetispeıtinin jetkizdi. О́z kezeginde Baqytjan Saǵyntaev Úkimette shaǵyn qalalardy damytý baǵdarlamasy jasalyp jatqanyn, sol baǵdarlama aıasynda bul máselelerdiń kóp uzamaı sheshimin tabatynyna sendirdi.
Ol sondaı-aq, Alǵa shaǵyn qalasyn áleýmettik damytý baǵytynda jasalyp jatqan jumystardy, kósheler men jylý júıeleriniń jóndelgen ýchaskelerin qarap shyqty. Alǵa aýdanynyń ákimi Asqar Sharııazdanov sońǵy jyldary respýblıkalyq bıýdjet esebinen 11,4 shaqyrym sý aıdaý qubyry júrgizilip, 42 shaqyrym sý qubyry tartylǵanyn, sý aıdaý stansasy salynǵanyn baıandady. Jalpy quny 554 mıllıon teńge turatyn 11,8 shaqyrym jylý júıesi qaıta jaraqtandyrylýda ekenin málim etti. Sondaı-aq, aýdan basshysy ótken jyly bastalǵan ortalyq bý qazandyǵyn qaıta jańǵyrtý jumystaryn tolyq aıaqtaý úshin respýblıkalyq bıýdjetten 401,0 mıllıon teńge qajettigin, bıologııalyq tazartý qurylysyn kúrdeli jóndeýdiń de qarjyǵa tirelip turǵanyn da jasyrmady.
Baqytjan Saǵyntaev tústen keıin «Qazhrom» TUK» AQ-qa qarasty Aqtóbe ferroqorytpa zaýytyna baryp, osynda salynyp jatqan 4 seh qurylysynyń barysymen tanysty. Aksıonerlik qoǵam prezıdenti Vıktor Tıldiń aıtýynsha, atalǵan ınvestısııalyq jobany júzege asyrý 2009 jyldan bastap respýblıkalyq Indýstrııalandyrý kartasy aıasynda qolǵa alynýda. Onyń jalpy quny – 111 mıllıard teńge. Zaýyttyń qýattylyǵy jylyna 440 myń tonna ferrohrom shyǵarýǵa múmkindik beredi. Qurylys barysynda 1500 jumys orny qurylymdaldy, al iske qosylǵan kezde 450 joǵary bilikti mamandar men jumysshylar eńbek etetin bolady.
Qurylys jáne qondyrǵylardy ornatý jumystary kestege sáıkes júrýde. Ústimizdegi jyldyń qarasha aıynda zaýyttyń eki peshin iske qosý kózdelýde. Baqytjan Ábdiruly, kásiporynda eńbek jaǵdaıy, eńbekaqy, áleýmettik máselelerdiń qalaı sheshilip otyrǵanyna, qurylys jumystarynda jergilikti adamdar eńbekke qanshalyqty tartylǵanyna qyzyǵýshylyq tanytyp, jumysshylardy sózge tartty.
Budan keıin birinshi vıse-premer Aqtóbe relsti-arqalyq zaýyty salynyp jatqan qurylys alańynda boldy. Bolashaǵy zor kásiporyn týraly relsti-arqalyq zaýyty dırektorynyń óndiris jónindegi orynbasary Marat Ibragımov habardar etti. Italııanyń álemge tanymal «Siemens-VAI» kompanııasy men «Qazaqstan temir joly» ulttyq kompanııasy» AQ birlesip qolǵa alǵan bul jobanyń jalpy quny 55 mıllıard teńge turady. Qazir óndiris orny irge
