Almaty qalasynyń Túrkisib aýdanynda elimizdegi tuńǵysh joba – «2012-2015 jyldarǵa arnalǵan eski turǵyn úılerdi buzý baǵdarlamasy» boıynsha salynǵan jańa úılerdiń alǵashqy páterleri úlestirildi. Sańǵyraǵan keń bólmeli jańa baspanalardyń kiltin uzaq jyldar boıy eski úılerde turyp kelgen 100 otbasy ıelerine shahar basshysynyń ózi saltanatty túrde tabystady.
Almaty qalasynyń Túrkisib aýdanynda elimizdegi tuńǵysh joba – «2012-2015 jyldarǵa arnalǵan eski turǵyn úılerdi buzý baǵdarlamasy» boıynsha salynǵan jańa úılerdiń alǵashqy páterleri úlestirildi. Sańǵyraǵan keń bólmeli jańa baspanalardyń kiltin uzaq jyldar boıy eski úılerde turyp kelgen 100 otbasy ıelerine shahar basshysynyń ózi saltanatty túrde tabystady.
«Qalamyzda ótken ǵasyrdyń 50-jyldary salynǵan, paıdalaný merzimi ótip ketken 2 qabatty myńnan astam úı bar. Olardyń máselesin sheshý týraly Elbasy tapsyrmasy boıynsha jasalǵan qalalyq baǵdarlamanyń alǵashqy nátıjesine búgin kýá bolyp otyrsyzdar. Bıyl eski úılerdi buzyp, ornyna jańa baspana salý jumysy qalamyzdyń 3 aýdanynda tolyq júzege asyrylady. Kelesi jyldan bastap ony basqa aýdandarda jalǵastyramyz degen oıymyz bar. Jalpy, «2012-2015 jyldarǵa arnalǵan eski turǵyn úılerdi buzý» baǵdarlamasy boıynsha 55 eski úı buzylyp, 565 otbasy onyń ornyna salynǵan jańa úılerge kóshiriledi», dedi qala ákimi Ahmetjan Esimov.
Qala basshysynyń aıtýynsha, «páterden-páterge kóshirý» júıesi boıynsha onda árbir turǵyn eski úıdegi óz páteriniń sany boıynsha jańa úıden sonsha páterli baspana ala alady. Jaryq, jyly, eńseli jáne kólemi úlken bul páterlerde turǵyndardyń jaıly ómir súrýine barlyq jaǵdaı jasalǵan. Bul úshin olar eshkimge qosymsha aqy tólemeıdi. Qalalyq jańa baǵdarlamanyń alǵashqy qatysýshysy bolyp jańa qonysqa ıe bolǵan turǵyndardyń qýanyshynda shek joq.
«Biz turyp kelgen eski úı 1927 jyly salynǵan eken. Onda otbasymyzben 17 jyldan asa turdyq. 2012 jyly ákimdiktegi jınalysta aýladaǵy eski saraıdyń ornyna záýlim úı salyp beremiz degende sener-senbesimizdi bilmedik. Kúmánmen qarasaq ta «kóppen birge kórermiz» dep kelisimge qol qoıyp edik. Endi, mine, aınalasy 1 jyldyń ishinde tozyǵy jetken eski úıden eńseli de jaryq jańa úıge kóshkeli otyrmyz. Turmysqa qajetti barlyq jaǵdaıy jasalǵan mundaı úıge kóshý buryn óń túgili túsimizge de kirmegen bolatyn», deıdi jańa páterdiń ıesi Átirkúl Saǵyndyqova. Burynǵy bólmesiniń sanyna qaraı 1 bólmeli jańa páterdiń kiltin alyp jatqan onyń aıtýynsha, qala turǵynyna qajetti balabaqsha, mektep, mádenıet úıi men sport kesheni, sonymen qatar, kúndelikti azyq-túlikti arzandatylǵan baǵamen alatyn saýda úıi de jaqyn jerde ornalasqan eken.
Qanat ESKENDIR,
«Egemen Qazaqstan».
ALMATY.
