Jarystar kúndeligi

Kanoe esý. Kanadanyń Ýellend qalasynda jasós­pi­rimder men jastar arasyn­da ótken álem chempıonatyn­da qazaqstandyq Sergeı Eme­lıanov altyn júlde jeńip aldy. Ol kanoe esý boıynsha myń metrge jekeleı jarys­ta aldyna jan salmady. Osy synda Emelıanov 200 metr­ge jekeleı jarysta kúmis júldege ıe boldy.

Kanoe esý. Kanadanyń Ýellend qalasynda jasós­pi­rimder men jastar arasyn­da ótken álem chempıonatyn­da qazaqstandyq Sergeı Eme­lıanov altyn júlde jeńip aldy. Ol kanoe esý boıynsha myń metrge jekeleı jarys­ta aldyna jan salmady. Osy synda Emelıanov 200 metr­ge jekeleı jarysta kúmis júldege ıe boldy.Al jastar arasynda ót­ken 1000 metrge ekilik jarys­ta Maksım Sınıavskıı men Evgenıı Safronov qola júl­de aldy.

Dzıýdo. Soltústik Ir­lan­dııanyń Belfast qala­syn­da polıseıler jáne órt són­­di­rýshiler arasynda ótip jatqan HV Búkilálemdik oıyndarda Ashat Elýbaev (sýrette) altyn medaldy jeńip aldy. Bul synda ol fınalda rýmynııalyq qarsylasyna ádemi ádis jasap, aıqyn basymdyqpen utty. Sonymen birge, jarysta Talǵat Qojabekov (Astana qalasy) 100 kıloǵa deıingi synda kúmis júldeni ıelense, Asqar Jandarov (OQO) qola júldeni qanaǵat tutty. Qazir Ashat ShQO Ishki ister departamentiniń «Arlan» arnaıy jasaǵynda qyzmet etedi.

Fýtbol. Keshe túnde bet qattalyp jatqanda, Qa­ra­ǵan­dynyń «Shahter» komandasy Albanııanyń Tırana qalasynda Korcha qalasynyń «Skenderbeý» klýbymen ÝEFA Chempıondar lıga­sy­nyń úshinshi kezeńindegi ekin­shi matchyn ótkizdi. Bu­ǵan deıin Astanada ótken alǵashqy matchta «Shahter» qarsylastaryn 3:0 esebimen jeńgen bolatyn. Osy oıynda qaraǵandylyqtardyń óz basymdyǵyn saqtap qalsa, elimiz tarıhynda alǵash ret Chempıondar lıgasynyń pleı-off kezeńine shyqqan komanda atanady.

Basketbol. Fılıppın astanasy Manılada erler arasynda ótip jatqan HHVII Azııa chempıonatyn­da Qazaqstan quramasy alǵash­qy toptyq kezeńdegi úsh oıy­nyn­da jeńiske jetip, ke­le­si kezeńge ótti. Komanda bi­rin­shi toptyq kezeńniń «D» to­bynda Bahreın, Úndistan men Taıland quramalaryn artqa tastap, ekinshi kezeńge shyqty. Aldyńǵy kúni Qytaı quramasymen kezdesip, 67:73 esebimen utylyp qaldy. Keshe otandastarymyz Ońtústik Koreıa komandasymen kezdesti.

Voleıbol. Osy kúnderi álemniń tórt buryshynda áıel­der arasynda «Búkil­­­álemdik Gran prı» týrnıri ótýde. Bıyl jıyrma birinshi ret jalaýy jelbiregen jarysqa bizdiń eldiń quramasy da qatysýda. Al jalpy týrnırde 20 eldiń ókilderi kúsh synasyp jatyr.

Qazaqstan quramasy Ita­lııada «E» tobyna kiretin Ar­gentına, Germanııa jáne Ita­lııa quramalarymen oınady. О́kinishke qaraı, otandas­tarymyz bárinde de utylyp qaldy.

Endi qurama ekinshi týrdyń oıyndaryna qatysady. Olar 9-11 tamyz kúnderi Polshanyń Plosk qalasynda ótedi. Bizdiń qyzdar Japonııa, Germanııa jáne Polsha quramalarymen «H» tobynda baq synasady. Al 16-18 tamyz kúnderine bel­gilengen úshinshi týrdaǵy «K» tobynyń oıyndary Al­ma­ty­da ótedi. Bul topta Qazaq­stan Brazılııa, Kýba jáne Nı­­derlandy quramalarymen kezdesedi.

«Egemen-aqparat».