2013 jylǵy 30 mamyr, Astana, Úkimet Úıi
«Áleýmettik aýdarymdardy esepteý jáne aýdarý erejesin bekitý týraly» Qazaqstan Respýblıkasy Úkimetiniń 2004 jylǵy 21 maýsymdaǵy № 683 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Áleýmettik aýdarymdardy esepteý jáne aýdarý erejesin bekitý týraly» Qazaqstan Respýblıkasy Úkimetiniń 2004 jylǵy 21 maýsymdaǵy № 683 qaýlysyna (Qazaqstan Respýblıkasynyń PÚAJ-y, 2004 j., № 25, 323-qujat) mynadaı ózgeris engizilsin:
kórsetilgen qaýlymen bekitilgen Áleýmettik aýdarymdardy esepteý jáne aýdarý erejesi osy qaýlyǵa qosymshaǵa sáıkes jańa redaksııada jazylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń 2013 jylǵy 30 mamyrdaǵy 550 qaýlysyna qosymsha
Qazaqstan Respýblıkasy Úkimetiniń 2004 jylǵy 21 maýsymdaǵy № 683 qaýlysymen bekitilgen
Áleýmettik aýdarymdardy esepteý jáne aýdarý erejesi
Osy Áleýmettik aýdarymdardy esepteý jáne aýdarý erejesi (budan ári – Ereje) «Mindetti áleýmettik saqtandyrý týraly» 2003 jylǵy 25 sáýirdegi Qazaqstan Respýblıkasy Zańynyń (budan ári – Zań) 8-1-babynyń 2) tarmaqshasyna sáıkes ázirlendi jáne áleýmettik aýdarymdardy esepteý jáne aýdarý tártibi men merzimin aıqyndaıdy.
1. Jalpy erejeler
1. Osy Erejede mynadaı negizgi uǵymdar paıdalanylady:
1) áleýmettik aýdarymdar – ózi úshin áleýmettik aýdarymdar júrgizilgen mindetti áleýmettik saqtandyrý júıesine qatysýshyǵa, al asyraýshysynan aıyrylǵan jaǵdaıda onyń asyraýynda bolǵan otbasy múshelerine Qazaqstan Respýblıkasynyń mindetti áleýmettik saqtandyrý týraly zańnamasyna sáıkes áleýmettik tólemder alý quqyǵyn beretin, Memlekettik áleýmettik saqtandyrý qoryna tólenetin Zańda belgilengen mindetti tólemder;
2) áleýmettik aýdarymdar boıynsha bereshek – eseptelgen jáne merziminde aýdarylmaǵan áleýmettik aýdarymdar somalary;
3) áleýmettik aýdarymdar mólsherlemesi – áleýmettik aýdarymdardy esepteý obektisiniń shamasyna paıyzdyq qatynaspen kórsetilgen, Memlekettik áleýmettik saqtandyrý qoryna tólenetin mindetti tólemderdiń tirkelgen mólsheri;
4) áleýmettik aýdarymdardy tóleýshi (budan ári – tóleýshi) – Memlekettik áleýmettik saqtandyrý qoryna áleýmettik aýdarymdardy esepteýdi jáne tóleýdi júzege asyratyn jumys berýshi nemese ózin-ózi jumyspen qamtyǵan adam;
5) Zeınetaqy tóleý jónindegi memlekettik ortalyq (budan ári – Ortalyq) – óńirlerde qurylymdyq bólimsheleri bar, Qazaqstan Respýblıkasy Úkimetiniń sheshimi boıynsha qurylǵan respýblıkalyq memlekettik qazynalyq kásiporyn;
6) Memlekettik áleýmettik saqtandyrý qory (budan ári – Qor) – áleýmettik aýdarymdardy shoǵyrlandyrýdy jáne mindetti áleýmettik saqtandyrý júıesine qatysýshy bolǵan asyraýshysynan aıyrylǵan jaǵdaıda, onyń asyraýyndaǵy otbasy múshelerin qosa alǵanda, oǵan qatysty áleýmettik qater jaǵdaıy bastalǵan mindetti áleýmettik saqtandyrý júıesine qatysýshylarǵa tólemder júrgizetin zańdy tulǵa;
7) ózin-ózi jumyspen qamtyǵan adam (Erejege qatysty) – ózderine tabys ákeletin jumyspen ózderin qamtamasyz etetin dara kásipker, jeke notarıýs, jeke sot oryndaýshysy, advokat.
Arnaýly salyq rejımin qoldanatyn sharýa nemese fermer qojalyqtaryna qatysty ózin-ózi jumyspen qamtyǵan adamdar dep dara kásipkerler – qojalyq basshysy, sondaı-aq kámeletke tolǵan jyldan keıingi kúntizbelik jyldan bastap sharýa nemese fermer qojalyǵynyń kámeletke tolǵan músheleri tanylady.
2. Áleýmettik aýdarymdardy esepteý tártibi
2. Mindetti áleýmettik saqtandyrý júıesine qatysýshylar úshin tólenetin áleýmettik aýdarymdardy esepteý aı saıyn júrgiziledi.
Áleýmettik aýdarymdardy esepteý úshin aı saıynǵy tabys respýblıkalyq bıýdjet týraly zańda belgilengen eń tómengi jalaqynyń on eselengen mólsherinen aspaıtyn mólsherde alynady.
Qyzmetkerge kúntizbelik aıda eseptelgen tabystyń jalpy somasy respýblıkalyq bıýdjet týraly zańda belgilengen eń tómengi jalaqy mólsherinen kem bolǵan jaǵdaıda, áleýmettik aýdarymdardy esepteý obektisi eń tómengi jalaqy mólsherine qaraı aıqyndalady.
3. Jumys berýshi úshin oryndaǵan jumystary, kórsetken qyzmetteri úshin qyzmetkerge tabys túrinde tólenetin onyń shyǵystary áleýmettik aýdarymdardyń esepteý obektisi bolyp tabylady.
О́zin-ózi jumyspen qamtyǵan adamdar úshin olardyń alǵan tabysy áleýmettik aýdarymdardy esepteý obektisi bolyp tabylady.
4. Jumys berýshiniń qyzmetk
erge tabys túrinde tóleıtin shyǵystaryn esepteý «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Salyq kodeksinde (budan ári – Salyq kodeksi) kózdelgen tártippen jumys berýshiniń qyzmetkerlerge tabys túrinde tóleıtin shyǵystaryna áskerı qyzmetshilerdiń, arnaýly memlekettik organdardyń jáne ishki ister organdarynyń, qarjy polısııasy organdary men memlekettik órtke qarsy qyzmet qyzmetkerleriniń aqshalaı úlesin qosa otyryp júrgiziledi.
Jaldamaly qyzmetkerlerdiń eńbegin paıdalanatyn zańdy tulǵalardyń, sondaı-aq ózin-ózi jumyspen qamtyǵan adamdardyń shyǵystaryna materıaldyq, áleýmettik ıgilikter nemese ózge de materıaldyq paıda túrinde alynǵan tabysty qosa alǵanda, qyzmetkerge aqshalaı nemese zattaı nysanda tólenetin tabystar jatady.
Arnaýly salyq rejımin qoldanatyndardy qospaǵanda, ózin-ózi jumyspen qamtyǵan adamdar úshin olardyń Qazaqstan Respýblıkasynda jáne onyń sheginen tys jerlerde bir aıdyń ishinde alýǵa tıis (alynǵan) tabystarynan turatyn jıyntyq tabysy áleýmettik aýdarymdardy esepteý obektisi bolyp tabylady. Bul rette aı saıynǵy tabys áleýmettik aýdarymdardy esepteý úshin respýblıkalyq bıýdjet týraly zańda belgilengen eń tómengi jalaqy mólsherinen kem emes jáne eń tómengi jalaqynyń on eselengen mólsherinen aspaıtyn mólsherde alynady.
Arnaýly salyq rejımin qoldanatyn dara kásipkerler úshin áleýmettik aýdarymdardy esepteý úshin qoldanylatyn tabys mólsheri respýblıkalyq bıýdjet týraly zańda belgilengen eń tómengi jalaqy mólsherinen kem bolmaýy tıis.
5. Qorǵa áleýmettik aýdarymdar Salyq kodeksiniń 155-baby 3-tarmaǵynyń 1), 2), 3), 4), 7), 9), 10), 11), 12) tarmaqshalarynda jáne 156-baby 1-tarmaǵynyń 12), 18), 24), 30), 32) tarmaqshalarynda jáne 357-baby 2-tarmaǵynyń 4), 5), 6) tarmaqshalarynda belgilengen tabystardan tólenbeıdi.
6. Mindetti áleýmettik saqtandyrý júıesiniń qatysýshylary úshin Qorǵa tólenýge tıisti áleýmettik aýdarymdar áleýmettik aýdarymdardy esepteý obektisinen 5 paıyz mólsherinde belgilenedi.
Qazaqstan Respýblıkasynyń salyq zańnamasyna sáıkes arnaýly salyq rejımi qoldanylatyn ózin-ózi jumyspen qamtyǵan adamdar úshin olardyń óz paıdasyna tóleıtin áleýmettik aýdarymdarynyń mólsheri – áleýmettik aýdarymdardy esepteý obektisinen 5 paıyz, biraq tıisti qarjy jylyna arnalǵan respýblıkalyq bıýdjet týraly zańda belgilengen eń tómengi jalaqynyń keminde 5 paıyzyn quraıdy.
Bul rette ózin-ózi jumyspen qamtyǵan adamdar úshin áleýmettik aýdarymdardyń eń joǵary mólsheri esepti kezeń úshin eseptelgen áleýmettik salyq somasynan asyp ketpeýi tıis.
3. Áleýmettik aýdarymdardy aýdarý tártibi men merzimi
7. Tóleýshiler Qorǵa áleýmettik aýdarymdardy Ortalyq arqyly esepti aıdan keıingi aıdyń 25-kúninen keshiktirmeı, olar úshin áleýmettik aýdarymdar júrgiziletin mindetti áleýmettik saqtandyrý júıesine qatysýshylardyń tizimderin qosa berip, ózderiniń bank shottarynan qolma-qol aqshasyz esep aıyrysý jolymen tóleıdi.
Tóleýshilerdiń bankke áleýmettik aýdarymdardy qolma-qol aqsha nysanynda engizýi Qazaqstan Respýblıkasynyń aqsha tólemi jáne aýdarymy týraly zańnamasynda belgilengen tártippen júzege asyrylady.
Tóleýshiler qurylymdyq bólimsheler úshin áleýmettik aýdarymdar tóleýdi qurylymdyq bólimsheniń ornalasqan jeri boıynsha júzege asyrady.
Arnaýly salyq rejımin qoldanatyn sharýa nemese fermer qojalyqtary, ońaılatylǵan deklarasııa negizinde arnaýly salyq rejımin qoldanatyn shaǵyn bıznes sýbektileri, patent negizinde arnaýly salyq rejımin qoldanatyn dara kásipkerler áleýmettik aýdarymdar somasyn Qazaqstan Respýblıkasynyń salyq zańnamasynda kózdelgen merzimde tóleıdi.
8. Áleýmettik aýdarymdar júrgiziletin mindetti áleýmettik saqtandyrý júıesine qatysýshylardyń tizimi árbir jeke tulǵa boıynsha: jeke sáıkestendirý nómirin (budan ári – JSN); tegin, atyn, ákesiniń atyn; týǵan kúnin; áleýmettik aýdarym somasyn; áleýmettik aýdarymdar tólenetin kezeńdi (jyl, aı, aılar) qamtýy tıis.
Tóleýshiler áleýmettik aýdarymdar tólenetin kezeńdi qaǵaz jetkizgishterde jasalatyn tólem tapsyrmalarynda «Tólemniń maqsaty» degen baǵanda, al MT-102 formatyndaǵy elektrondyq tólem tapsyrmalarynda formatta kózdelgen jeke «AAJJJJ» degen jolda kórsetiledi.
9. Ortalyq áleýmettik aýdarymdardy esepke alýdy olar úshin áleýmettik aýdarymdar júrgiziletin mindetti áleýmettik saqtandyrý júıesine qatysýshylardyń JSN bazasynda júzege asyrady.
10. Bankterdiń Ortalyqqa aqshany aýdarýy olar úshin áleýmettik aýdarymdar júrgizilgen mindetti áleýmettik saqtandyrý júıesine qatysýshylardyń tizimin qosa berip, MT-102 formatyndaǵy elekt
rondyq tólem tapsyrmalarymen júzege asyrylady.
Tóleýshiniń banki áleýmettik tólemderdi Qazaqstan Respýblıkasy Ulttyq Bankiniń fılıaldary arqyly aýdarǵan jaǵdaıda tóleýshi bankke qaǵaz jetkizgishtegi tólem tapsyrmasynyń tórtinshi danasyn qosymsha usynady, ony tóleýshiniń banki Qazaqstan Respýblıkasy Ulttyq Bankiniń oblystyq (aýmaqtyq) fılıaldaryna jiberedi.
11. Tóleýshiler bereshekti aýdarýdy olar úshin áleýmettik aýdarymdar júrgiziletin mindetti áleýmettik saqtandyrý júıesine qatysýshylardyń tizimin qosa berip, MT-102 formatyndaǵy elektrondyq tólem tapsyrmalarymen kezeń (jyl, aı, aılar) úshin júrgizedi.
12. Bankter men bank operasııalarynyń jekelegen túrlerin júzege asyratyn uıymdar áleýmettik aýdarymdar somalaryn Ortalyqtyń shotyna osy somalar tóleýshiniń banktik shotynan esepten shyǵarylǵan kúni aýdarady.
13. Ortalyqtyń shotyna túsken áleýmettik aýdarymdar somalary úsh banktik kún ishinde MT-100 formatyndaǵy tólem tapsyrmasymen Qordyń shotyna aýdarylady.
Ortalyq:
1) JSN-i joq;
2) JSN-de tegi, aty jáne ákesiniń aty sáıkes kelmegen jaǵdaıda;
3) Ortalyqtan zeınetaqy tólemderin alýshy bolyp tabylatyn;
4) áleýmettik aýdarymdar somasy bir tóleýshiden áleýmettik aýdarymdardy esepteý obektisinen respýblıkalyq bıýdjet týraly zańda belgilengen eń tómengi jalaqynyń on eselengen mólsherinen artyq tólengen, sondaı-aq derektemelerinde qateler bar mindetti áleýmettik saqtandyrý júıesine qatysýshy boıynsha tóleýshige áleýmettik aýdarymdardy qaıtarýdy júrgizedi.
14. Áleýmettik aýdarymdar boıynsha bereshek qalyptasqan kezde salyq organdary tóleýshige mindetti áleýmettik saqtandyrý júıesine qatysýshylardyń tizimderin salyq organyna usyný týraly habarlamany osy Erejeniń 8-tarmaǵyna sáıkes joldaıdy.
Bul rette eger áleýmettik aýdarymdar boıynsha bereshek respýblıkalyq bıýdjet týraly zańda belgilengen bir aılyq eseptik kórsetkish mólsherindegi somadan aspaıtyn jaǵdaıda, habarlama jiberilmeıdi.
Habarlama nysanyn bıýdjetke salyqtardyń jáne basqa mindetti tólemderdiń túsimin qamtamasyz etý salasyndaǵy basshylyqty júzege asyratyn ýákiletti organ belgileıdi.
Tóleýshiler habarlamany alǵan kúnnen bastap bes jumys kúni ishinde salyq organyna mindetti áleýmettik saqtandyrý júıesine qatysýshylardyń tizimin usynady.
15. Salyq organy tóleýshilerden mindetti áleýmettik saqtandyrý júıesine qatysýshylardyń tizimderin alǵan kezde áleýmettik tólemder boıynsha qalyptasqan bereshekti keıinnen Qorǵa aýdarý úshin kórsetilgen tizimderdi qosa berip, tóleýshilerdiń banktik shottaryna ınkassolyq ókimder beredi.
Tóleýshiniń banktik shottarynda ulttyq valıýtadaǵy aqsha bolmaǵan jaǵdaıda, mindetti áleýmettik aýdarymdar boıynsha bereshekti óndirip alý salyq organdary ulttyq valıýtada bergen ınkassolyq ókimder negizinde tóleýshiniń banktik shottarynan sheteldik valıýtada júrgiziledi.
16. Tóleýshi olarǵa áleýmettik aýdarymdar júrgiziletin mindetti áleýmettik saqtandyrý júıesine qatysýshylardyń tizimderin Qazaqstan Respýblıkasynyń Úkimeti belgilegen merzimde usynbaǵan jaǵdaıda, salyq organdarynyń ókimi boıynsha bankter men bank operasııalarynyń jekelegen túrlerin júzege asyratyn uıymdar tóleýshilerdiń banktik shottaryndaǵy barlyq shyǵys operasııalaryn toqtata turýǵa jáne mindetti áleýmettik aýdarymdardy, zeınetaqy jarnalary men salyq bereshegin Qazaqstan Respýblıkasynyń zańnamasynda belgilengen tártippen aýdarýǵa qatysty nusqaýlardy oryndaýǵa mindetti.
Salyq organynyń banktik shottar boıynsha shyǵys operasııalaryn toqtata turý ókiminiń kúshin shyǵys operasııalaryn toqtata turý týraly ókim shyǵarǵan salyq organy banktik shottar boıynsha shyǵys operasııalarynyń toqtatyla turý sebepteri joıylǵan kúnnen keıingi bir jumys kúninen keshiktirmeı joıady.
17. Tóleýshiniń banktik shottary bolmaǵan nemese tóleýshiniń banktik shottaryndaǵy aqsha jetkiliksiz bolǵan jaǵdaıda salyq organy Qazaqstan Respýblıkasynyń Úkimeti belgilegen tártippen kassa boıynsha shyǵys operasııalaryn toqtata turady.
18. Tóleýshi áleýmettik aýdarymdardy Qorǵa ýaqtyly tólemegeni úshin ósimpul somasyn tóleý úshin «tólem maqsaty» degen jolda – «kezeń (jyl, aı, aılar) úshin áleýmettik aýdarymdardy ýaqtyly tólemegeni úshin ósimpul» dep kórsete otyryp, bankke tólem tapsyrmasyn usynady.
19. Tóleýshiler ýaqtyly tólemegen ósimpul kezeń úshin (jyl, aı, aılar) MT-102 formatyndaǵy elektrondyq tólem tapsyrmalarymen tólenedi.
20. Ortalyq ósimpul somasy túsken kúnnen bastap úsh banktik kún ishinde aqshany Qordyń shotyna MT-100 formatyndaǵy tólem tapsyrmasymen aýdarady.
21. Tóleýshiniń Qorǵa artyq (qate) aýdarylǵan áleýmettik aýdarymdaryn jáne (nemes
e) ýaqytynda jáne (nemese) tolyq tólenbegeni úshin ósimpul somalaryn qaıtarýdy Qor tóleýshiniń ótinishi negizinde júrgizedi, eger soma tóleýshi banktiń kinásinen artyq (shottan eki nemese odan da kóp ret alynǵan) aýdarylǵan bolsa, onda qaıtarý tóleıtin banktiń ótinishi negizinde júrgiziledi.
22. Qordyń shotyna:
1) tóleýshi nemese tóleýshiniń banki bir nemese birneshe tólem tapsyrmalary negizinde eki nemese odan da kóp ret tólegen;
2) MT-102 tólem tapsyrmasy formatynda, onyń tizimdik bóligindegi mindetti áleýmettik saqtandyrý júıesine qatysýshylardyń áleýmettik aýdarymdar somalarynda qateler jiberilgen:
alýshylar qaıtarýǵa tıis, jumystan bosatylǵan qyzmetkerler avanspen alǵan kiriske artyq eseptelgen;
Ortalyqtan zeınetaqy tólemderin alýshy bolyp tabylatyn qatysýshylar úshin artyq tólengen;
mindetti áleýmettik aýdarymdar nemese ósimpul bolyp tabylmaıtyn qarajat Qordyń shotyna qate aýdarylǵan;
3) MT-102 tólem tapsyrmasy formatyndaǵy, onyń tizimdik bóligindegi tólem kezeńinde qate jiberilgen;
4) tóleýshiniń derektemeleri durys kórsetilmegen;
5) jeke tulǵalar artyq (qate) aýdarǵan áleýmettik aýdarymdar jáne (nemese) ýaqytynda jáne (nemese) tolyq tólenbegeni úshin ósimpul somalary qaıtarýǵa jatady.
23. Qatysýshynyń tabysyna salyq salýǵa jatpaıtyn tólemderdiń jekelegen túrleriniń qosylýyna baılanysty artyq (qate) tólengen áleýmettik aýdarymdar jáne (nemese) ósimpul somasyn tóleýshi keıingi tólemderdi retteý jolymen derbes túzeıdi.
Áleýmettik tólemderdi taǵaıyndaý kezinde qatysý ótiline esepke alynǵan kezeńge eseptelgen, artyq (qate) tólengen áleýmettik aýdarymdardyń somasy qaıtarylýǵa jatpaıdy.
4. Áleýmettik aýdarymdardy qaıtarý tártibi
24. Qorǵa aýdarylǵan, tóleýshi artyq (qate) tólegen áleýmettik aýdarymdar jáne (nemese) ýaqytynda jáne (nemese) tolyq tólenbegeni úshin ósimpul somalaryn qaıtarý mynadaı tártippen júzege asyrylady:
osy Erejege 1-qosymshaǵa sáıkes nysan boıynsha artyq (qate) tólengen áleýmettik aýdarymdardy jáne (nemese) ósimpuldy qaıtarýǵa ótinishti tóleýshi (tóleýshiniń banki) Ortalyqtyń qurylymdyq (aýdandyq /qalalyq) bólimshesine beredi;
olar úshin áleýmettik aýdarymdar jáne (nemese) ósimpul júrgizilgen mindetti áleýmettik saqtandyrý júıesine qatysýshylardyń tizimderinde qate ketken jaǵdaıda ótinishke osy Erejege 2-qosymshaǵa sáıkes nysan boıynsha anyqtama-rastama qosa beriledi;
mindetti áleýmettik aýdarymdar tóleýdi qolma-qol aqshamen júzege asyratyn tóleýshiler anyqtama-rastamaǵa áleýmettik aýdarymdardy tóleý týraly tólem qujatynyń kóshirmesin qosa beredi;
Ortalyq úsh banktik kún ishinde áleýmettik aýdarymdardyń jáne (nemese) ósimpuldyń eseptelý faktisin tekseredi, ótinish osy tólem boıynsha barlyq derektemelerdiń rastamasyn qosa berip, Qorǵa jiberiledi;
Qor ótinishterdi óńdegennen keıin, MT-100 formatyndaǵy tólem tapsyrmasyn qalyptastyrady jáne keıinnen olardy tóleýshige aýdarý úshin aqshany Qorǵa tóleýshiniń ótinishi túsken kúnnen bastap Ortalyqtyń banktik shotyna jeti banktik kún ishinde aýdarýdy júzege asyrady. Qor tóleýshiniń banktik derektemelerin, qatysýshylardyń tegin, atyn, ákesiniń atyn kórsete otyryp tóleýshilerdiń tizilimi men olar boıynsha qaıtarý somalaryn sol kúni Ortalyqqa jiberedi. Qor sebebin kórsete otyryp, qaıtarýǵa jatpaıtyn soma boıynsha bas tartý týraly sheshimdi Ortalyqqa jiberedi;
Ortalyq Qor tiziliminiń negizinde MT-102 formatyndaǵy tólem tapsyrmasyn qalyptastyrady jáne artyq eseptelgen áleýmettik aýdarymdar jáne (nemese) ósimpul somasyn úsh banktik kún ishinde tóleýshige aýdarady;
tóleýshi áleýmettik aýdarymdar jáne (nemese) ósimpul somalaryn qaıtarýdan bas tartý sebebi týraly aqparatty Ortalyqtyń bólimsheleri arqyly alady;
Ortalyq qatysýshylardyń jeke shottarynan qaıtarylǵan somany esepten shyǵarady;
Ortalyq artyq eseptelgen somany qaıtarǵannan keıin sheshimniń oryndalǵany týraly Qordy osy Erejege 3-qosymshaǵa sáıkes nysan boıynsha habardar etedi;
Ortalyq pen Qor arasynda aıyna bir ret áleýmettik aýdarymdardy jáne ósimpuldy, sondaı-aq Qordan aýdarylǵan qaıtarymdardy salystyryp tekserý júrgiziledi.
25. Tóleýshige qyzmet kórsetetin bank elektrondyq tólem tapsyrmalaryn resimdeý kezinde qate jibergen jaǵdaıda, bank «Aqsha tólemi jáne aýdarymy týraly» Qazaqstan Respýblıkasynyń Zańyna sáıkes jiberilgen qatelerdi túzetý jóninde sharalar qabyldaıdy.
26. Qor kelip túsken jáne qaıtarylǵan artyq tólengen áleýmettik aýdarymdardy jáne ósimpuldy esepke alýdy júrgizedi.
27. Tóleýshi toqsan saıyn, esepti toqsannan keıingi ekinshi aıdyń 15-kúninen keshiktirmeı, eger Qazaqstan Respýblıkasynyń zańnam
asynda ózgeshe belgilenbese, ornalasqan jeri boıynsha salyq organyna mindetti áleýmettik saqtandyrý júıesiniń qatysýshylary úshin eseptelgen áleýmettik aýdarymdar boıynsha esepter usynady.
28. Ortalyq kún saıyn, Qazaqstan Respýblıkasy Qarjy mınıstrligine Salyq kodeksinde belgilengen tártippen tirkelgen tóleýshiler boıynsha, ótken kún úshin kelip túsken jáne qaıtarylǵan áleýmettik aýdarymdar jáne (nemese) ósimpul tizilimderin usynady.
29. Áleýmettik aýdarymdardy tóleýshiler eseptelgen jáne tólengen áleýmettik aýdarymdar týraly, onyń ishinde elektrondyq nemese qaǵaz jetkizgishtegi qate tólemderdi qaıtarý týraly málimetterdiń saqtalýyn zańnamada belgilengen tártippen qamtamasyz etedi.
Tóleýshiniń qyzmeti toqtatylǵan kezde Qorǵa áleýmettik aýdarymdardy jáne ósimpuldy esepteý jáne tóleý týraly qujattar Memlekettik muraǵatqa beriledi.
Áleýmettik aýdarymdardy esepteý jáne aýdarý erejesine 1-qosymsha
«Memlekettik áleýmettik saqtandyrý qory»
aksıonerlik qoǵamynyń basshysy
________________________________
О́tinish
_______________________________________________________________________________
(áleýmettik aýdarymdardy jáne (nemese) ósimpuldy tóleýshiniń nemese tóleýshi banktiń ataýy)
«____» ______________ № _________________________ tólem tapsyrmasymen
____________________________________________________________________________ atyna
(mindetti áleýmettik saqtandyrý júıesine qatysýshylardyń T.A.Á., JSN kórsetilsin)
qate (artyq) aýdarylǵan áleýmettik aýdarymdar jáne (nemese) ósimpul somasyn qaıtarýyńyzdy suraımyn, referens, jalpy somasy ______________, qaıtarý somasy________________________
Keıinnen tólemdermen túzetý engizý ______________________________
(qaıtarym talap etiletin sebep kórsetilsin, mysaly, qyzmetker jumystan bosatylǵan, bank qate jibergen jáne t.b.) saldarynan múmkin emes.
Qaıtarýdy mynadaı derektemeler boıynsha júrgizýdi suraımyz:
____________________________________________________________________
(kásiporynnyń tolyq derekteri, barlyq banktik derektemeleri kórsetiledi)
Qosymshalar: tólem tapsyrmasynyń kóshirmesi, somalary men derektemelerinde qate jiberilgen mindetti áleýmettik saqtandyrý júıesine qatysýshylar tiziminiń kóshirmesi.
Qajet bolǵan jaǵdaıda: mindetti áleýmettik saqtandyrý júıesine qatysýshynyń eńbek qyzmeti toqtatylǵanyn rastaıtyn jumystan bosatý týraly buıryqtyń nemese qujattyń kóshirmesi, zeınetkerlik jasqa tolǵan adamdar úshin zeınetkerlik kýáliginiń kóshirmesi, ishki ister organdary qyzmetkerleri, áskerı qyzmetshiler jáne eńbek sińirgen jyldary úshin zeınetaqy tólemderin alýǵa quqyǵy bar jáne basqa da adamdar úshin eńbek sińirgen jyldary úshin zeınetaqy taǵaıyndaý týraly anyqtama jáne zeınetaqy kýáliginiń kóshirmesi, ótinishte jáne tóleýshiniń qarjylyq qujattaryndaǵy qoltańbada aıyrmashylyq bolǵan jaǵdaıda – qol qoıý quqyǵyn berý týraly buıryqtyń kóshirmesi.
О́zin-ózi jumyspen qamtyǵan adam ótinish bergen jaǵdaıda – Ortalyq bólimshesi kýálandyrǵan dara kásipker retinde memlekettik tirkeý týraly kýáliktiń kóshirmesi.
Qoldary:
Basshy
Bas býhgalter
M.O.
_______________
Eskertpe.
ótinish blankide toltyrylyp, mórtańbamen rastalady (faksımılemen qol qoıýǵa jol berilmeıdi)
Áleýmettik aýdarymdardy esepteý jáne aýdarý erejesine 2-qosymsha
Anyqtama-pactama
(áleýmettik aýdarymdar tóleýshiniń ataýy)
Memlekettik áleýmettik saqtandyrý qoryna áleýmettik aýdarymdar jáne (nemese) ósimpul tólegen kezde, mynadaı tólem tapsyrmalaryna, olar úshin áleýmettik aýdarymdar júrgizilgen mindetti áleýmettik saqtandyrý júıesine qatysýshylar tizimderinde qatelikter jiberilgenin rastaıdy:
R/s № Tólem tap-syrma-synyń № Tólem tapsyr-ma-synyń kúni Tólem tapsyr-masynyń jalpy somasy Referens JSN T.A.Á. Týǵan kúni Qate aýdarylǵan (teńge) Aýdarylýǵa tıisti (teńge)
Kezeń (AAJJJJ) Somasy (teńge) Kezeń (AAJJJJ) Somasy (teńge)
Birinshi basshy (T.A.Á.)
(qoly)
Bas býhgalter (T.A.Á.)
(qoly)
Mór orny
Áleýmettik aýdarymdardy esepteý jáne aýdarý erejesine 3-qosymsha
«Memlekettik áleýmettik
saqtandyrý qory» AQ basshysy
_______________________________
«Zeınetaqy tóleý jónindegi memlekettik ortalyq» RMQK mynadaı tóleýshiler boıynsha 20__ jylǵy « » ________ № ____ ókimge sáıkes «Memlekettik áleýmettik saqtandyrý qory» AQ-tan túsken qate aýdarylǵan m
indetti áleýmettik aýdarymdar somalaryn qaıtarý týraly habardar etedi:
R/s № Tóleýshiniń ataýy Somasy (teńgede) Qordyń tólem tapsyrmasynyń nómiri men kúni Negiz
Barlyǵy:
Basshy _______________ T.A.Á.
(qoly)
