2013 jylǵy 11 maýsym, Astana, Úkimet Úıi
«Janýarlardyń sanyn retteý qaǵıdalaryn bekitý týraly»
Qazaqstan Respýblıkasy Úkimetiniń 2012 jylǵy 1 aqpandaǵy №186 qaýlysyna ózgerister engizý týraly»
Qazaqstan Respýblıkasynyń Úkimeti qaýly etedi:
1. «Janýarlardyń sanyn retteý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 1 aqpandaǵy №186 qaýlysyna (Qazaqstan Respýblıkasynyń PÚAJ-y, 2012j., №31, 410-qujat) mynadaı ózgerister engizilsin:
kórsetilgen qaýlymen bekitilgen Janýarlardyń sanyn retteý qaǵıdalarynda:
3, 4-tarmaqtar mynadaı redaksııada jazylsyn:
«3. Respýblıka aýmaǵynda janýarlardyń sanyn retteý úshin Qazaqstan Respýblıkasy Qorshaǵan ortany qorǵaý mınıstrligi Orman jáne ańshylyq sharýashylyǵy komıtetiniń (budan ári – Orman jáne ańshylyq sharýashylyǵy komıteti) buıryǵymen, al belgili bir oblystyń aýmaǵynda – onyń aýmaqtyq bólimsheleriniń buıryqtarymen, balyq resýrstaryn jáne basqa da sý janýarlarynyń túrlerin qospaǵanda, janýarlar sanyn retteý jóninde komıssııa qurylady.
4. Balyqtyń jáne ózge de sý janýarlary túrleriniń sanyn retteý úshin Qazaqstan Respýblıkasy Qorshaǵan ortany qorǵaý mınıstrligi Balyq sharýashylyǵy komıtetiniń aýmaqtyq bólimsheleriniń (budan ári – Balyq sharýashylyǵy komıtetiniń aýmaqtyq bólimsheleri) buıryqtarymen balyq resýrstaryn jáne basqa da sý janýarlary túrleriniń sanyn retteý jónindegi komıssııalar qurylady.»;
5-tarmaqtyń birinshi bóligi mynadaı redaksııada jazylsyn:
«5. Kórsetilgen komıssııalardyń quramyna tıisti Komıtettiń nemese onyń aýmaqtyq bólimshesiniń, jergilikti atqarýshy organdardyń, ekologııalyq retteý jáne baqylaý, veterınarııalyq-sanıtarlyq baqylaý jáne qadaǵalaý salasyndaǵy memlekettik organdardyń, sondaı-aq ózge de memlekettik organdardyń (Komıssııany jınaý negizine baılanysty) ókilderi kiredi.»;
7-tarmaqtyń 1) tarmaqshasy mynadaı redaksııada jazylsyn:
«1) jeke jáne zańdy tulǵalar, ekologııalyq retteý jáne baqylaý, veterınarııalyq-sanıtarııalyq baqylaý jáne qadaǵalaý memlekettik organdary, jergilikti ókildi, atqarýshy jáne ózge de memlekettik organdar jazbasha ótinish jasaǵan jaǵdaılarda;».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
