2013 jylǵy 27 mamyr, Almaty qalasy
2006 jylǵy úlgidegi jáne 2012 jylǵy úlgidegi nomınaly 2 000 teńgelik banknottardyń qatar aınalysta bolý kezeńin belgileý týraly
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes jáne ulttyq valıýta aqsha belgileriniń dızaıny (nysany) ózgergen kezde olardy aınalystan alý jóninde ońtaıly jumysqa qol jetkizý maqsatynda Qazaqstan Respýblıkasy Ulttyq Bankiniń Basqarmasy qaýly etedi:
1. 2006 jylǵy úlgidegi (budan ári – eski úlgidegi aqsha belgisi) jáne 2012 jylǵy úlgidegi (budan ári – jańa úlgidegi aqsha belgisi) nomınaly 2 000 teńgelik banknottardyń qatar aınalysta bolý kezeńi 2013 jylǵy 29 naýryz – 2015 jylǵy 28 naýryz aralyǵy bolyp belgilensin.
2. Eski jáne jańa úlgilerdegi aqsha belgileriniń qatar aınalysta bolý kezeńinde:
1) ekinshi deńgeıdegi bankter jáne bank operasııalarynyń jekelegen túrlerin júzege asyratyn uıymdar:
eski jáne jańa úlgilerdegi aqsha belgilerin jeke jáne zańdy tulǵalarǵa óz kassalarynan, sondaı-aq bankomattar arqyly berýdi júzege asyrady;
operasııalyq kassaǵa kelip túsetin eski jáne jańa úlgilerdegi aqsha belgilerin Qazaqstan Respýblıkasynyń Ulttyq Banki Basqarmasynyń «Bankterde jáne bank operasııalarynyń jekelegen túrlerin júzege asyratyn uıymdarda kassalyq operasııalardy jáne banknottardy, monetalardy jáne qundylyqtardy ınkassasııalaý boıynsha operasııalardy júrgizý qaǵıdalaryn bekitý týraly» 2001 jylǵy 3 naýryzdaǵy № 58 qaýlysyna (Normatıvtik quqyqtyq aktilerdi memlekettik tirkeý tiziliminde № 1482 tirkelgen) sáıkes Qazaqstan Respýblıkasy Ulttyq Bankiniń (budan ári – Ulttyq Bank) fılıaldaryna tapsyrady;
2) Ulttyq Banktiń fılıaldary:
eski jáne jańa úlgilerdegi aqsha belgilerin jeke jáne zańdy tulǵalarǵa aınalym kassalarynan berýdi júzege asyrady;
zańdy tulǵalardan eski jáne jańa úlgilerdegi aqsha belgilerin Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasy Ulttyq Bankinde jeke jáne zańdy tulǵalarmen kassalyq operasııalar júrgizý qaǵıdalaryn bekitý týraly» 2003 jylǵy 26 jeltoqsandaǵy № 467 qaýlysyna (Normatıvtik quqyqtyq aktilerdi memlekettik tirkeý tiziliminde № 2685 tirkelgen) sáıkes keıinnen ekinshi deńgeıdegi bankterdiń tıisti korrespondenttik shottaryna qolma-qol emes balamasyn aýdara otyryp shekteýsiz qabyldaıdy.
3. Qazaqstan Respýblıkasynyń Ulttyq Banki Basqarmasynyń «2006 jylǵy úlgidegi jáne 2012 jylǵy úlgidegi nomınaly 2 000 teńgelik banknottardyń qatar aınalysta bolý kezeńin belgileý týraly» 2012 jylǵy 4 shildedegi № 201 qaýlysynyń (Normatıvtik quqyqtyq aktilerdi memlekettik tirkeý tiziliminde № 7850 tirkelgen, 2013 jylǵy 30 naýryzda «Egemen Qazaqstan» gazetinde № 96 (28035) jarııalanǵan) kúshi joıyldy dep tanylsyn.
4. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Ulttyq Bank Tóraǵasy G.Marchenko.
Qazaqstan Respýblıkasynyń Ádilet mınıstrliginde 2013 jylǵy 5 shildede №8562 bolyp tirkelgen.
