Qyzylorda qalasynda bir kólik túnniń jarysynda kóshe boıyndaǵy úıge soǵyp, osy mańdaǵy 25 jeke turǵyn úıdi gazsyz qaldyrdy. Bul týraly oblystyq tótenshe jaǵdaılar departamenti baspasóz qyzmetiniń bas mamany Aıgúl Nurmanova habarlady.
Oqıǵa búgin túnde 02 saǵat 20 mınýt shamasynda Baıtursynov kóshesiniń №124 úıi janynda bolǵan. Álekedeı jalanyp, quıyndaı quıǵytyp kele jatqan kólik áp-sátte shyr kóbelek aınaldy da, qarsy bettegi úıge baryp soqty. Mamandar tarapynan bul tehnogendik apat tirshilikti qamtamasyz etýdiń kommýnaldyq júıelerindegi avarııa retinde baǵalandy. Sebebi...
«Baıtursynov kóshesi №124 úı janynda BMV-520 m/b N 864 TN avtokóligi aýdarylý saldarynan Baıtursynov kóshesiniń boıyndaǵy gaz turbasy zaqymdalǵan. Osynyń saldarynan 25 jeke turǵyn úıler ýaqytsha gazsyz qaldy. Oqıǵa ornynda «QazTransGaz Aımaq» KPF AQ qyzmetkerleri qaıta qalpyna keltirý jumystaryn júrgizýde», - delingen habarlamada.
Al túnniń jarymynda jurtty dúrliktirip júrgen «shapqynshy» 1993 jyly týǵan E. Jahansha degen jas jigit bolyp shyqty.
Sultan Bozaıǵyr.
