Taraptar QazUÝ-dyń BUU «Akademııalyq yqpal» baǵdarlamasynyń turaqty damý boıynsha jahandyq haby retinde Birikken Ulttar Uıymynyń 75 jyldyǵyna arnalǵan sharaǵa qatysýyn talqylady.
Fabrısıo Hohshıld BUU-nyń jahandyq damý maqsaty jolynda qazaqstandyq JOO-da júzege asyp jatqan halyqaralyq bastamalar men jobalardyń mazmundylyǵyna toqtalyp, jahandyq habty basqaryp otyrǵan QazUÝ jumysyna alǵysyn bildirdi. Sondaı-aq ol ál-Farabı mereıtoıyna arnalǵan sharalardyń mańyzdylyǵyn aıtyp, adamzat órkenıetiniń turaqty damýynda ózektilikke ıe bolatyn ǵulamanyń izgilikti ıdeıalaryn nasıhattaý qajettigin jetkizdi. Halyqaralyq laýazymdy tulǵanyń pikirinshe, uly oıshyldyń dúnıetanymy men murasy álemdegi azamattyq damýdyń tabıǵatymen úndesip jatyr. Sondyqtan keler urpaq onyń taǵylymynan úlgi alýy tıis.
Este bolsa, birer kún buryn Ál-Farabı atyndaǵy Qazaq ulttyq ýnıversıtetinde álemniń ekinshi ustazy atanǵan ǵalymnyń 1150 jyldyǵy resmı túrde ashylyp, QazUÝ qabyrǵasynan barlyq talaptarǵa saı ál-Farabı ǵylymı-tehnologııalyq alqaby qurylatyny aıtylǵan bolatyn.
ALMATY
