Búgin atmosferalyq aǵymdardyń júrýine baılanysty Qazaqstannyń birqatar aımaqtarynda jańbyr jaýyp, kún kúrkireıdi, jel turyp, keı jerlerde burshaq jaýady, ońtústik jáne ońtústik-shyǵys óńirlerde shańdy daýyl turady, dep habarlaıdy QR TJM baspasóz qyzmeti «Qazgıdromet» RMK-ge silteme jasap.
«Aqmola, Soltústik Qazaqstan, Qaraǵandy, Jambyl oblystarynda jel jyldamdyǵy 15-20 m/s deıin jetip, kúndiz burshaq jaýýy yqtımal. Qyzylorda, Aqtóbe, Qostanaı, Pavlodar oblystarynda da jel jyldamdyǵy 15-20 m/s deıin kúsheıedi. Mańǵystaý, Batys Qazaqstan, Atyraý oblystarynda keı jerlerde 15-20 m/s jyldamdyqpen jel soǵyp, túnde kún kúrkireıdi dep boljanýda. Shyǵys Qazaqstan oblysynda jel jyldamdyǵy 15-20 m/s deıin jetip, kúndiz burshaq jaýýy múmkin. Ońtústik Qazaqstan, kúndiz Almaty oblystarynda kún kúrkirep, shańdy daýyl túrady, 15-22 m/s jyldamdyqpen jel soǵady. Almaty, Shyǵys Qazaqstan oblystarynda kúndiz aptap ystyq bolyp, respýblıkanyń ońtústik, ońtústik-shyǵys jáne ortalyq bóliginde órt qaýipti jaǵdaı saqtalady», - dep kórsetilgen habarlamada.
Murat Aıtqoja.
