Qaraǵandyda turatyn 61 jastaǵy áıel ózin elektrıchka dep atalatyn poıyzdyń astyna tastap, opat boldy. Bul týraly «Krımınalnye novostı» habarlady.
Qaıǵyly oqıǵa Maıqudyq-Jańa Qaraǵandy aralyǵyndaǵy «Vostok-3» shaǵyn aýdanynda oryn aldy. Buǵan opat bolýshynyń júıke naýqasyna shaldyǵýy sebep bolǵan sııaqty. Ol buǵan deıin de birneshe ret ózin-ózi óltirmek bolyp, áreket jasaǵan. Osyny bilgen balalary marqumdy aranıy oryndarda emdetipty. Odan jaqsy saýyǵyp ta shyqsa kerek. Endi, mine, bári artta qaldy dep júrgende, kenetten...
Qaraǵandy-Astana elektr poıyzynyń mashınısi óz túsiniktemesinde dazǵandaı, áıel aldynda perronda turǵan, sosyn poıyz 200 metrdeı jerge kelip qalǵanda, relsterdiń ortasyna baryp tura qalǵan. Bul kezde poıyzdy toqtatý múmkin emes edi. Olaı bolǵan kúnde, onyń sostavyndaǵy vagondar biriniń ústine biri minip shyǵa keledi.
Polısııa qyzmetkerleriniń aıtýlarynsha, osy oqıǵanyń saldarynan olarǵa buryn-sońdy bolmaǵan eń bir qolaısyz jumystardy atqarýǵa týra kelgen.
«Buǵan deıin talaı nárseni kórip edik. Kesilip ketken qoldy da, julynyp qalǵan aıaqty da, tipti ushyp túsken basty da kórgenbiz. Al dál mynadaı bolyp, baýyry bir jaqta, júregi bir jaqta, ishek-qarny bir jaqta qalǵan deneni jan-jaqtan jınap alyp jatqan kórinisti birinshi ret kórdik, - deıdi jelilik polısııanyń tergeýshisi Qaırat Sáttibaev. – Mundaıdy kórý endi eshkimniń de mańdaıyna jazbasyn.
Murat Aıtqoja.
