Sport • 05 Aqpan, 2020

Aqtaýda qazaq kúresinen jasóspirimder arasyndaǵy Qazaqstan chempıonaty bastaldy

221 ret

kórsetildi

1 mın

oqý úshin

Mańǵystaý oblysynda osyǵan deıin birneshe márte el birinshilikteri, spartakıadalar joǵary deńgeıde ótkizilip keledi. Búginde Azııa jáne Álem birinshilikteri deńgeıinde ótkizile bastaǵan qazaq kúresinen Aqtaýda ótetin chempıonat eki kúnge sozylyp, 2005-2006 jyly týylǵan jasóspirimder 10 salmaq dárejesinde beldesýge túsedi. Bul týraly Mańǵystaý oblysy boıynsha Qoǵamdyq kommýnıkasııalar Ortalyǵy habarlady.

Gúlaıym DÁÝITBAI

Aqtaýda qazaq kúresinen jasóspirimder arasyndaǵy Qazaqstan chempıonaty bastaldy

- Bul jarysqa Nur-Sultan, Almaty, Shymkent qalalary jáne de 14 oblys qurama komandalarynan 500-den astam sportshy baq synasýǵa nıet bildirdi. «Mańǵystaý-Arenada» ótetin jarysty tamashalaımyn deýshiler úshin barlyq jaǵdaı jasalǵan, - dedi Mańǵystaý oblysy dene shynyqtyrý jáne sport basqarmasy basshysynyń mindetin atqarýshy Qanat Jumabaev.

Mańǵystaý oblystyq qazaq kúresi federasııasy ózge óńirden kelgen balýandarǵa Mańǵystaý oblysynyń ólketaný murajaıy jáne Ábish Kekilbaev atyndaǵy mýzeıdi tanystyryp, sondaı-aq teńiz jaǵalaýyna serýendeý sharalaryn uıymdastyrdy.

Búginde óńirde qazaq kúresimen 4014 palýan, onyń ishinde 2815 sportshy aýyldyq eldi mekenderde shuǵyldanady. Oblys kóleminde 46 jattyqtyrýshy bilgenin balaǵa úıretse, úıirmeler sany 82-ge jetken.